دمعة تبكي .. !!

[شامخ الرشيدي]

السلام عليكم ورحمة الله وبركاته



باقة تواصل .. وقصيدة جديدة ..

حبيبي وش تسمي غيبتك عنـي بـدون اخبـار=اذا انـي مـا تقبلّـت الغـيـاب ولا توقعـتـه
غريبة .. من غيابك صارت الغيبة ملاذ افكـار=تقلبني ظنوني .. والرجاء ان العهـد مـا بعتـه
حدود الفكر .. مثل الضو .. واديارك بليا اسوار=يشبعّها الشعـاع اللـي مـن اظنونـي تشبّعتـه
سقى الله ذكريات ٍ تلوي اذراع المـدى الغـدار=وازال الله ليال ٍ .. تلـوي اذراعـه وجزعتـه
متى ذيك الهبوب اللي من المنشأ لفـوق الـدار=تسوق الغيم وتحوووول الشعاع اللـي تجرعتـه
نعيييد الذكريات اللي تهـاوت دونهـا الاسـرار=قبل لا يطيح كل اللـي بقلبـي والخبـر ذعتـه
نشف دمع السنين ودمعة العاشق ثـلاث ادوار :=بداية ( بالسلام ) و ( سالفتها ) لين ( ودعتـه )
دفعّها كره حزني للخضـوع لحكمـة الاقـدار=وحيييييده مالقت غير الخفـوق الحـيّ فزعتـه
تجمّع ما بقـى داخـل عيونـي نيـة الاسفـار=ومشت فوق الرهيف اللي عطاها باقـي امتعتـه
حزينه .. وقفّت بآخر عيوني تلتمـس لـاعـذار=بكتني .. قبل تبكـي دربهـا والخـوف ولعتـه
توصيني .. على القران والسنـة مـع الأذكـار=ونسيان الحبيب اللي .. غريب اظروف ضيعتـه
وانا والله ذبحني غيبته عنـي .. بـدون اعـذار=وترنيمة وفـاي ومركـب ٍ مشغـول بأشرعتـه

وسلامتكم ..


مع التقدير .. اخوكم ابونايف