جَ سـُـودي !!!

[حسين العنزي]

إهداء لأخي وصديق تكويني إلى (جَسُودي) مع إنتمائي لك ..

يوم الجسد علاّق أصم ومعلقه عليه الروح=ومبهم /حميم ٍ أنزويه بعيون تضويني عليه
خويّه ظلي اللاهث يعد الجوع وين يروح=لو يرتمي عظم الوفا تعرمش إبعيد ٍ يبيه
أنفاسه عري ٍ تشربه وتلفظه بضحك الجروح=من تستره حنّت طعون وغنّت موته إبيديه
أحاسيسه بفهم الريق يقشّر نبضاته نزوح=وتزحف موسم إشفاته ولا تلقى مهب يحويه
تواريخه حبر العصب وفواصل راسه الفضوح=لا/ ظنته دبق مشيب على فكره وقلم عينيه
حتى دروبه تنفطم ومضات رجلينه تنوح=يوم إنه دأدأ قبرها تجي إتمهده رجليه
خفيف لو شنه هوى تسهّم طيحته اللوح=واصير لا/ شقق س م ا مطر إمدمدم ٍ واهنيه
بسيط وإيه إنته يابير وأول توأمة وضوح=واخويا بالرشا السري وآيه لعطش نزيه
عرفتني بطفولتنا بـشارع أرفل ٍ لحوح=إلحالنا وشلة قيظ أذكر ياجَسُودي نجيه
مع ملقط أسامينا اللي يشرنا للبوح=اللي بأزرة جداره تنقّط ذكرى ماتمحيه
وغير الدمع بالخبزه وأمي وكفها السموح=تنده ونغمس الركضه سؤال من فينا تبيه
تبيك إنته /إنته أنا ونسمة ياولد تلوح=نجي وصحوة الحليب يبي برشفة فجر نحكيه
بسالف عشة ٍ ثكلى تسلق للربى هالروح=تركتك وإنسبل عمرك على ثوبي وقلت أرميه