لي هامة عقالك / ولائي مغنمة .. و أمتلك هالكون / أولها لتال .. !! ........ روح المنابع

[شيمة]

	من اسكنتني روح حبك / ملهمة=وجيش قواتك / تجنى باحتلال .. ؟ ترجمتك الروح / وغيرك ..؟ ما افهمه !!=كل حكي ٍ غير حرفك ؟ / لي هبال .!! أنت اسمي / انت وجهي ترسمه=أنت أوجاعي / وفرحي / والسؤال بس / قل لي ليه كلي / امحرّمة ..!=عن جروح الغير / و لطعنك حلال..؟!! وليه عني دوم عطفك / تفطمه..؟!=وليه غيري / يرتوي طعم الزلال ..؟! وليه دنيايه / بدونك مبهمة ..؟!=وكل ما شديت ..؟ / لك هجّت رحال ..؟! أرحل بأثرك / عساني ما أعدمه=شوفك اللي لا يطيع / ولا يُنال .. ! خاف ربك / خاف يوم المشأمة=ويش عذرك في فواتي / والزوال ..؟! وين قلبك / قول بالله ارحمه ..؟=جاك قلبي / يشتكي سود الليال عطني من كفك / نداه / وبا الثمه=قم / عليك الله / دخيلك لي تعال اذبحَتني / عين / لفتة وسلهمة=وانحرَتني / سمر صلبات النبال ما تخاف الله / وظلمك تحكمه..؟=ما تروف بخل / أظناه / القتال..؟! افتكت بي / عينك انته / مجرمة..!=واصلبَتني / بين نونك والهلال لي هامة اعقالك ..؟ / ولائي مغنمة=وامتلك هالكون / أولها لتال كني ابعشقك / أميرة امعظمة=فوق عرش الملك يزهاها الجمال ما تحاكيها في ( تدمر) / أنمُلة ..!=مملكتها والمفاخر / والحلال زنوبيا و بلقيس وكل الملحمة =ماسوت في خاطري ..؟ / لمحة خيال