يـــــــــــــا بحـــــــــــــر

[جمال العتيبي]

وجودي يا بحـر قربـك يـداوي خاطـري المكسـور=يفـرج ضيقـة(ن) بالصـدر تعانـق تالـي ايـامـي
انا يابحـر ربـان(ن) فقـد مرسـاه بـارض الحـور=مدام اشراعـه اشـواق(ن) ضعيفـه مالهـا قيامـي
اغوص بطاري السابـق مـن ايامـه وانـا معـذور=ملك كـل الحشـى فينـي وخـاوى باقـي اعوامـي
يقولون المحب اعمى واقـول البعـد شـوق حظـور=طلبتك يابحـر تنشـد خفـوق مـن الهـوى دامـي
هذيـك احلامـي الثكـلا بفقـد الخـل مـات النـور=طفى شمع الفـرح عقبـه حزيـن بلوعتـه ضامـي
وهذيك الصخره اللي في وسـط غبتـك مثـل السـور=تكسـر موجـي القـادم وتنهـي اسعـد احـلامـي
وش الحيله مدامي غارس ازهوري بـارض(ن) بـور=ماتنبـت بـذوري لـو سقيـت بدمـعـي الحـامـي
حرمني فرحتي بـاول شبابـي صـرت انـا مقهـور=وفيت وما رجيـت وجيـت جلسـت ومالـي قيامـي
وحيد الشوق فـي كونـي غريـق بلجتـه مسحـور=اشوفـه يقتـرب منـي تـذوب بقـربـه عظـامـي
ومن شوقه امانه مامضى كافي امانه ينتهي ذا الـدور=شبعت من العنـى والقلـب يشكـي كثـرة سقامـي
ولو بشكي همومي شـاب طفـل(ن) بالمهـد مبهـور=ومن همي تطيـح نجـوم ويكسـي كونهـا ظلامـي
ولو بشكي عذابي للسحاب محملات(ن) بالسماء ومرور=تهامـل دمعهـا مـن شكوتـي وتـعـاف ظـلامـي
علامـك يابحـر هـادي علامـك تبتسـم مـسـرور=علامـك ماتفـجـر بالغـضـب وتـبـدد اوهـامـي