صوت وصدى((ذكرى قصايد)

[سعود المطرفي]

صقار الجزيره في أحد المنتديات
كتب قصيده جميله جدا
جاريتها
وهي طازجه احببت ان تستمتعو بها
تحياتي

عز الخطاب وشح نهر القصايد=ماعاد يجري والسبب طول فرقاك
وا لهف حالي لليالي البعايد=زاد الحنين ولذة العيش وياك
وتفتحت بيبان حزني بدايد=وستشرفت روحي عسى يوم تلقاك
بنيتلك عرشٍ من الوجد جايد=بين الضلوع وأوسط القلب سكناك
ونضمتلك دمعات عيني قلايد =هي شاهد اللوعه على كثر مبغاك
لولا الزمان اللي ضروفه شدايد=لاتيك مهما البعد حدك وجزاك
لكن حسبي من زماني شرايد=ذكرى تحد الروح عن يوم تنساك
ادري زمانٍ راح ماهو بعايد=لكن حق الروح تلهج بطرياك
اذكر جلوسك جنب ذيك الوسايد=تخبرني بحالك ولو يوم اجفاك
تبهرعقول ملوك وتضهر عوايد=من عالم العشاق تنطق حجاياك
غريب وصفك في جمالك زوايد=تعجز قواميس اللغه كيف تطراك
سلام يامن كنت اجمل قصايد=قد قالها عاشق بها بعض معناك

[/quote]

صقار الجزيره
أجمل عواطف صغتها لك فرايد= تذكر لغيابك عتابك وشكواك
يرددوها الناس مثل العوايد=الي يحس بمر همك و ذكراك
بعض البشر يبحث ويلقاك قايد=شعرك جميل ويجبر الحرف ينصاك
با بث لك حس(ن) لك بشكر زايد=جميل عزفك يا فتى لا فقدناك
أجمل بيوت الشعر مثل القلايد=تذكر الغالين عن خاطر(ن) جاك
إعتب ومثلك بالعتب مثل نايد=شامخ مثل نايف ظلاله بلاماك
تلوم خل(ن) لك وتذكر شرايد=من زود ودك له تناديه لولاك
لولاك جنبه ما نزفت الشرايد=الي الفتت هاجس قصيدي وجاراك
ولولاك جنبه ما عزفت الفرايد=الي تغني داخل الحس تتناك
بأتنى قصيدك ولقصيدك فوايد-=تذكر الي مر في مثل بلواك
والله فقيده لا ذكرت البدايد=الي إنزحت باسباب عده وشكواك
أجمل أحاسيس العتب شوق عايد=يذكرك في شخص ويكون ذكراك

صح السانك
بجد
جمال القصيده أجبرني لمجارات شخصك
الرائع
السموحه
وتقبلها بسعة صدر
دمت في ود