طريقه جديده لعمل المصابيب

[عسافه]

بسم الله الرحمن الرحيم

السلام عليكم ورحمة الله وبركاته

حيا الله كل من دخل

اليوم جايبه لكم طريقتي في المصابيب ..:blabla[1]:


طريقة مرة سهلة واضمن لكم نجاحها وروعة طعمها ..


يالله تعالوا شوفوا كيف اسويها ..

مشكلتي أني اسوي الأكلات الشعبية بدون مقادير ..


بحاول اقدر لكم المقادير وأهم شي تكون العجينة سايله مثل عجينة القطايف .. ,وشكلها يشبه القطايف

هذا الكلام ا للمايعرف المصابيب هههههههههههه :man2[1]:



المقادير ..
- 3 كاسات دقيق أسمر ..
- 1 كاس دقيق أبيض ..
- 2 ملعقة صغيرة خميرة فورية ..
- 3 ملاعق كبيرة حليب بودرة ..
- 1 ملعقة صغيرة ملح ناعم إذا كان الدقيق الأسمر مو مالح ..
- 1 فنجال زيت ..
- شوي كركم وبزار وفلفل اسود ..
- من 3 كاسات إلى 4 ماء ويمكن نحتاج زيادة ..

الطريقة ..
- نخلط الماء والحليب والخميرة والزيت والبهارات بالخلاط وبعدها نضيف للخليط الدقيق

على ملعقه ملعقه لين ينخلط كل المقدار ..

- إذا الخلاط ما خلط الدقيق يدل هذا على أن المويه شويه وبكذا نزيد كمية الماء لين ينخلط الدقيق ..

- نصب العجينة في زبدية ونغطيها نصف ساعة لين تتخمر العجينة ..

- نولع النار على الصاجة لمدة عشر دقايق ثم نرخي عليها النار ونبدأ نصبب يا بالملعقة

أو المغرفه حسب الحجم اللي تبون ..

- لا احمر اسفل المصبوب نقلبه على الصاجة لين تتحمر الجهه الثانية واكيد عندكم خلفيه عن المصابيب ..

- بعد ما نخلص نحط على المصابيب الخلطة اللي نشتهيها ..

يا زبدة وعسل .. أو سكر مطحون وشوي زيت .. أو فلفل بارد وفلفل حار وطماط وبصل مقطع ومكشن

على النار بشوي زيت أو زبدة ومعه بهارات وفلفل أسو

يالله جربوا المصابيب وادعوا لي

وكل أملي أن مصابيبي تعجبكم

الله يحفظكم

منقول