إلا الحماقة أعيت من يداويها !!

[ساير الرماحي]

بسم الله الرحمن الرحيم

للتواصل بعد غياب..

صلوا على محمد..

عجزت أفكّر بحالك مع خوافيها=والنصح ماهو لنفس الخبل محييها!
كنت أحسب أن كل ضربة تجيك تعليمة!!=طلعت (دايح) تكحّلها وتعميها!!
ليت الزمن فاتك.. وعشت بزمن سابق!=مابي أشوفك سنيني لاتجي فيها!!
ماتحشم الناس.. وأسيادك وأهل أمرك!=تمشي ( تفسفس) علومك في نواحيها!!
اتعض يدّ رفعت حظّك ومقدارك!=(أخس وهبيت) الذي هذي تواليها!!
هو ليه ماصرت عنّا (قاطع وخاسي)!!=ولاّ شتمت الذي ورّاك صاليها!!
ياكم رفعناك.. مع بيّك وأخوانك..=ياكم ملينا مخابيكم.. (خراجيها)!!
ياكم حكينا دفاعاً عنكم حميّا!!=ياكم نرزّك وصورتكم نحلّيها!
ياكم نسن السواطي دون منزالك=ياكم نصلّح مشاكلكم.. ونبريها!
ياكم نفك العسر لامن تغشّاكم=ياكم سترنا بلاويك وخوافيها!!
ياكم رقينا بكم من فوق الامتاني..=أكتافنا (مركبك) رمت النجم فيها!!
ماجاك جانا ونخشركم بخبزتنا!!=حنّا ملافيك لا صكّت لياليها!!
تذكر وتذكر؟ نسيت اللي مضى كله؟=أفعالنا فيك والله صعب نحصيها!
مايشبهك كود قول الشاعر الماضي..=يومه يشخّص حياتك مع بلاويها..
(لكل داءٍ دواءٌ يستطبّ بِهِ )=(إلا الحماقة أعيت من يداويها ) !!

وسلامتكم..


أخوكم/ساير الرماحي..

[قديم الشوق]

أخي الشاعر / ساير الرماحي

صح لسانك وأنا أخوك

قصيدة جميلة فيها الكثير من المعاني الرائعة

كنت أتمنى لو تجنبت بعض الألفاظ في مثل هذين البيتين :


اتعض يـدّ رفعـت حظّـك ومقـدارك!
............... (أخس وهبيت) الـذي هـذي تواليهـا!!
هو ليه ماصرت عنّا (قاطع وخاسـي)!!
............... ولاّ شتمـت الـذي ورّاك صاليـهـا!!


شكرا ً لك من الأعماق

وتقبل فائق احترامي وتقديري

[علي عبدالرحمن الأسمري]

صح لسانك اخوي ساير
ودمت بالف خير

[عبدالعزيز الرقابي]

صح لسانك وأعتلا شانك ..
قصيده جميله من شاعر جميل ..

تحيتي وتقديري

[ساير الرماحي]

الغالي



قديم الشوق


صح بدنك


وبيض الله وجهك

وبالنسبة للبيتين.. القصيدة جت كذا :)

ودمت بألف خير


تحياتي

[ساير الرماحي]

الغالي



علي عبدالرحمن الأسمري



صح بدنك


وبيض الله وجهك


ودمت


تحياتي

[ساير الرماحي]

الغالي



عبدالعزيز الرقابي


صح بدنك


وبيض الله وجهك


ودمت بألف خير


تحياتي