(( الوجيه القبيحه ))

[عمر اللهيميد]

السلام عليكم ورحمة الله وبركاته



كل عام وانتم بخير وياعلكم من العايدين والفايزين

قبل الازدحامات :)

النفـس بـحـرٍ والمصـايـب دوافـيـق = والروح تعطـي 00 والهـداوي شحيحـه
والفج يوسع 00 ثمٍ يضيـق 00 ويضيـق = وكـلٍ يحـاسـب ياجمـاعـه بظريـحـه
وانـا جـروحـي غـارسـه بالمعالـيـق = مثـل الـذي فتًـح بطـان 00 الذبيـحـه
اويـق مـن جـور الليالـي وانـا اويـق = اشـوف طعـنـات الـزمـان الجريـحـه
تحرقنـي الدمعـه علـى الخـد تحـريـق = وتلـح بـي لـحـة عـجـوزٍ لحيـحـه
والبارحه سهـران 00 مـع دلـه وبريـق = والذيـب يعـوي 00 والكـلاب النبيـحـه
ماغيـر اهيجـن فـوق جـزل الطواريـق = والنفـس ماهـي يـاعـرب مستريـحـه
نوبـات اغربهـا 000 ونوبـات تشريـق = ونوبات ادوس الشوك واقـول 00 شيحـه
ليلي 00 ودمعـي 00 والبـلاوي مشافيـق = وسهري 00 وحزني 00 والهقاوي صحيحه
شعب الخليجي غير عن شعـب الاغريـق = وطبـع الـبـداوه راســخٍ بالصفيـحـه
وسنجار ثابت 00 ماتحـرك علـى طويـق = الله واكـبـر منـهـو يـقـدر يزيـحـه
ويابو خلـف خيًـك تراهـو مـع الضيـق = ياكـم تعثـر بـس ماطـاح 00 طيـحـه
حــدوه يالغـبـاش اهــل الغرانـيـق = واصبـح محـارب بيـن كـل الشريـحـه
وانـت تخبرنـي دون كــل المخالـيـق = من عافني عفتـه ولـو 00 هـب ريحـه
وانا عمـر راسـي بعـال الشواهيـق = ماطمنوه اهل 00 الوجيه القبيحـه
ماني من اللـي لفـق الهـرج 00 تلفيـق = دايم علومـي 000 بالمجالـس صريحـه
عينـي علـى الرديـان ماعمرهـا تفيـق = ماتـفـتـح الا للـوجـيـه الفلـيـحـه
مافـرق العـربـان غـيـر المطافـيـق = اهـل الـدوادي 000 والعلـوم الفضيحـه
والشعـر عـنـدي مايـجـي بالتلافـيـق = امـا يهيـض الجـرح والا القريـحـه

وسلامتكم واسمحولي على القصور










مغليكم // عمر اللهيميد

[مشاعل ابراهيم]

أخي عمر اللهيميد





ألف صح لسانك على هذه القصيدة الرائعة




التي بروعة حضورك وعذوبة تواجدك




دمت بكل خير

[بسـام بن عبدالعزيـز]

عمر



كفـو والله

وقصيده غيـر

صح لسانك



كل الودّ

[فيصل الباهلي]

صح لسانك لاهنت



وافي وافي





اخوك/ فيصل الباهلي

[حمد فرحان]

عمر اللهيميد

لا غرابه بل لا عجب كتابة شاعر مبدع

صح الله لسانك ولاهنت

أعذب التحايا وأصدقها

عمر اللهيميد



صح احساسك ونبضك


راقي ورائع جدا


دمت لنا نهرا من نقاء


إيمان

[قديم الشوق]

أخي الغالي / عمر الهيميد

صح لسانك ودام نبضك

شاعر مبدع وغني عن التعريف

وقصيدة رائعة وراقية ومتميزة

شكرا ً لك من الأعماق

وتقبل خالص تحياتي

أخوك / قديم الشوق

[محمد الفرحان]

.

.

شاعرنا

عمر اللهيميد

.

.

صح لسانك ويسلم بنانك على هذه المعزوفه

الرائعه بروعة حضورك وتواجدك. .

.

.

رائعه كان لي شرف معانقتها والتواجد بهذا

المتصفح . . .

.

.

تقبل فائق تقديري واحترامي

[حماد القريني]

صح لسانك وجاد نظمك

لاهنت ولاهان راسك

تحياااتي

[فهد الدباسي]

عمر اللهيميد


شاعرٌ أنيقٌ نفرحُ بـ حضوره و حروفه



نصٌ جميل و نتمنى أن تتحفنا دوماً بـ قصائدك هنا



صح لسانك و لاهنت

تقبل تحياتي