- ( * بطاقة معايدة .. وأبتهالات من عبق الذكرى *) -

[سالم السيفي]

أمشط هالصباح بكلمتين وزفرة الأشعار=وانثر (م) السحابة طشةٍ تشبه أشيائي
وأجي في سالفة عقلي القديم بلوعة التذكار=أخمّر كل مسافات البعد ويموت إعيائي
وأكتب في جدار الذاكرة من نعمة الأمطار=يبارك عيدك الميمون ألفي ..لهفتي ..يائي

وعلى الذكرى ..على الموعد
على طعم الرغيف الأسمر ..الأوحد
على هاجس مسافات التلاقي
ووقتـــي الحالــــم

أجي وفي شـــ(نطة الحب القديم)..أنفاس ماضينا
حرف أبيض .. قلب أبيض
يجمّع كل مزايا عبرتي
ويشدو تغلينا..
نحب أكثر..
نذوب أكثر..
نهيم أكثر..

تمر سنين .. ليالي أكثر... وأكثر
يمر الوقت .. ويكبر وقت
وأنا أسكب (بحارة) مهجتي أشياء من بعضي..
لأجل قلبك..
لأجل عينك..
لأجل وقتك ..
واعايد صمتك الوارف
وأقولك عيدك مبارك يا وجه العيد
من اللي يهنيّ الثاني .. يا أحلى عيد
أنا بسبق مرايا طلتك ..
وآقووووول .. أنا
أيامي معك أجمل
. مبارك عيدك الأجمل
يا وردة هالمساء/ أو هالصباح
كذا نبقى نحن أحباب
نبقى أهل وأصحاب
ومن يجرح.. تفاصيلٍ قديمة بْحبنا ..
كذّاااااااااب
من يكسر أمانينا الجميلة ..
حلم ليله غاب

صباحٍٍ يشبه عيونك
ويشبه عيدك الأجمل
وأنا في عيدك الأجمل
تمنيّت بجروحي لو أكونلك ..
أنا عيدك

بطاقة حبنا أعياد
بطاقة من جريد وْعطر
وأبعاض التلاقي .. جاد

هلا بالعيد لا وقظّ منامٍ من جروح الوقت=هلا بك كم أحبك يا لشذا المختوم يا لعطري
هلا بك وأنتشلني من زاويا غربتي والصمت=أمـــانة بلّغ الأحباب عني اعطهم خبري
صباح العيد يا وجه الشموس المشرقة يا بنت=أجيلك وانا بيدي من هديا الحب هو شعري

تبلل ذا الورق وتنفست أحرف
وأنا أكتبك بطاقة عيد
وأنا أرسمك غناوي العيد
رسالة مرجحة وجه التفاصيل القديمة
واحتوت صــــوتي
تبدد ذا الجمود اللي سكني كسّر سكْوتي
وأنا مازلت على العهد القديم ..
أبعثر الفـــرقا
ألملم كل حبرٍ قد حوى أسطورة الورقا
أجيلك .. ينتفض حتى الظلام
أجيلك .. ويبتسم عطري وئام
يا أول غربتي لما تجــــيني...
وأصـــدق عروقي ..
مساء العيد ..صباح العيد
عطــره ارتعاشة أحرفه
يا سوسنة شوقي..
كذا لا طوّل الهجر ...الشتات...
لو أرتمـــي بكفك
أصوّر لك لقاي بأحرفي وجاء يعتلي صوته
توسدت الشوارع كلمتين بوجه
نفضت كل الأساوير القديمة
وأحتفى بي عمر
تُرى من هز أغصان النخيل
اللي نست ملحي؟؟!!
ترُى من روّض الصوت الرماح
لو اختفى صبحي؟؟!!
تُرى من وهجه جرحي..
تُرى من حركه نبضي
وأجي لك ما لقيت
لأجل التفاسير الأليمة
غير.. عنفوان وصوت!!
وأنا أبعث غناوي هذي الجراااااح
لأجل الهوى الشرقي .. هذا الهوى الشرقي
هناك بين الرمال الذهب
هناك بين الوجوه الشرق
هناك بين الحنايا العاطرة
الماطرة بالورق
مدينة من صلاة النفل.... هنا بضلعي
هنا ا ا ا ك ويّأ الحقيقة المتعبة
بين إنتصار الضيق..
ألا يا سوسنة شعري وصباحي
وذي بطاقة عيد .. رسالة ما حوت إلا تفاصيل
التغني وإنكسار القيد ... وأجي أرسم
ملامح ذي البطاقة وردتين وحبر
هدية سطّرت كل التفاصيل القديمة
اختصار.............الشعر..
وسلام من قدره وقتك.. ما نسى همسك
بكى رسمك .. وجاء بوقت الفرح والعيد
يتوج للقاء عطر الوداد يا سيدة .. صمتك

يا هلا بالعــــيد لا وقظّ منامي=جيت من أقصى الوريد اللي تشظى
من بلادٍ أشعلت نبلي .. وئامي= للعيون وصرت م الدمعة آتوضى...
يا وريدي للغياب .. هذا وسامي=بين جفن الروح للأشواق غضّى

كل عامٍ... وإنتي من فراقك بخير
كل وقتٍ ... الشارع المهجور خير
كل صبحٍ ... وجهك السوسن بخير
صاح حرفي لك ينادي
شق ضلع الهم يتنفس رمادك
احتوتك الأرض .. أغصانك .. بلادك
بيتك المهجور ... غربة احتوائك
صاح حرفي لك ينادي
دوّخ الذكرى وسيجارة حريري
أشغل الدنيا ونبّه وجه طيري
صفّق الناي الغريب بأهداب سكر
وكوب شاي السهرة بكفي معّطر
جيييييت عالوعد القديم وما نستني
هالتفاصيل الحميمة
ما نسيت .. ذي ضفاير شارعي
المختوووووووم شعرٍ ..
كل عيد وإنتي بخير
كل حبر شعري بخير
كل صبر .. عطري بخير
والبلاد اللي تسمّر خدها
والله خير
والرمال اللي تعطر حبّها
والله بخير
وأنثرك عقد المسافة ..
وللحضور صوتٍ غلافة
وجه من ورد وهدايا
من معايد للمعايد ..
وكل عام وإنتي بخير

نهاية ذي البطاقة العاطرة لك قلت أنا الآتي.. =ألا يا ساكنة فيني ترى لك حبــي الأجمل
أسولف للعيون المُلهمة..أبعث تحــياتي=عشانك يا سنا روحي هديتك قلبي الأفضل
وأكتب لك مزايا خطوتي صيرورة ابياتي= عسى بطيشك أنا أعبر.. نعم وارتاحلك ..اثمل
واقوّض كل متاهاتي حضور وتطربك.. ذاتي= واجي للغائبة اللي حضرْت فيني ..كذا أسأل
ترّمسك الليال اللي جفتني ..في نهاياتي؟!!=بعد حبي مكانه بالضلوع فمهده المخمل؟!!
وآخـــــر خطوة الحب الأكيد أزكـــــي عباراتي= ألا يا سوسنة هذا المساء .. وْعيدي انا الأجمل

سالم