عقب الفراااق >>>>>>>>

[محمد علي الفتّّوح]

السلام عليكم ورحمة الله وبركاته...
نص للتواصل اتمني ان يرتقي الى ذائقتكم...

الغايب اللي له مـن ايـام وليـال؛؛؛؛ غايب وقلبي جـور همـه يشيلـه

لاجا...سئلته من عنا القلب والبال؛؛؛؛ ياكيف عزم في وجودي...رحيلـه

وابسئله كنه مضى معيـا الاهـوال؛؛؛؛ كن العذاب اللـي يجيني...يجيلـه

عقب الفراق...اللي تشتت به الحال؛؛؛؛ مايلملمه كـود السنيـن الطويلـه

وان كان يبغى يختصرها على الحال؛؛؛؛ يرجع...يشوف اليوم كيف احتريله

احر من جمـرٍ علـى ركـزة دلال؛؛؛؛ واحر مـن قلـبٍ بصـدره مليلـه

واحر من مظلوم من خلف الاقفـال؛؛؛؛ شاكي..بري..مفزوع..محدن يعيله

ادانتـه بشـهـود زورٍ ودجــال؛؛؛؛ قاضي قضى حكمه وقيَـد سبيلـه

حسبه على اللي مايخيَـب للامـال؛؛؛؛ الهـي رب الكـون لـه يرتجيلـه

هذا...وهذا الوضع والوضع مـازال؛؛؛؛ معيه واخذت (ا)من المحبه حصيله

شفت الفراق...اشلون سوَا برجـال؛؛؛؛ ذاق العـنـا والمر...واعزتيـلـه

ذاق الهموم اللي من انواع واشكال؛؛؛؛ همٍ غثيـث وهـم محـدن يشيلـه

من عقب هذا مابقى شـي ينقـال؛؛؛؛ عبَـرت للـي مابلاقـي مثيـلـه

وان كان عيا رجعته...بارثي الحال؛؛؛؛ ولاعاد ادور فـي زماني بديلــه

محمد الفتوح