مصافحة اولى مع الأسهم والخسارة

[عبدالعزيز ال حمد]

في البداية اود ان اتقدم بالشكر الجزيل للاخ الكريم الشاعر الكبير محمد الفرحان على الدعوة
والتي شرفني بها واشكر له تسجيلي في هذا المنتدى وارجو ان اكون عند حسن ظن اخي العزيز محمد
وان اقدم ماينال على رضاه ورضى الجميع

واحب ان ابدأ بهذه القصيدة والتي مع الحدث

القصيدة في الاسهم والي حصل فيها

دخلت انا الاسهـم عشـان التجـارة=نبغى ننافـس مـع كبـار الهواميـر
لكـن ماشفنـا يـاكـود الخـسـارة=يالله عسى فالامر خيـرة وبـه خيـر
واشوف انافالسوق وضحـى وسـاره=وحمود مع محماس وسعـود ومنيـر
احـد يقـول السهـم ذا فالـصـدارة=واحد يقـول السـوق مافيـه تدبيـر
كلٍ يبـي المكسـب ورجـع دمـاره=ذولا الضعوف الـي كلوهـا خوابيـر
الكسـر كـايـد مالقيـنـا اجـبـارة=طـاح المؤشـر مالقيـنـا تفاسـيـر
.كـم واحـدٍ بـاع الغنـم والعمـارة=وكم واحدٍ بـاع النخـل والمواطيـر
وكم واحدٍ همـل دبشـه وعقـارة =.دايم وراء الشاشه مع الصبح وعصير.
حتى هل الورشـات واهـل النجـارة=واهل المعارض والابـل والصقاقيـر
والجنـدي الـي سلمـوه الخفـارة =.اصبـح مبزبـط مايجـي فالمخافيـر
ولاجيـت اراجـع حاجةٍ فالـوزارة.= ماشفت انا ياكـود راجـو وشبيـر
كم واحـد منـول يصـرر اصـراره=.طلع افلوسـه ميـر جتـه المقاديـر
والـي منـول يدعـي بالشـطـاره .=كب اللكاعه وان حصل درب بيطيـر.
واحد نشـب بالقسـط والرهـن داره=غـروه ربعـه بالطمـع والمهاذيـر
الخفـظ والتوقيـف صـار الشـراره=في سوقنا الي صار مثـل الاساطيـر.
من فوق عشر ايـام ناصـع حمـاره=والـون الاخضـر الغـي بالمأشـيـر
ولاحد عرف ويش السبب في انحداره=والـي يحلـل كذبـتـه التقـاريـر .
راحت فلوس النـاس عقـب انهيـارة=بين المصافـي والمكيـرش وتعميـر
.والي ارتفع ضغطه وجتـه المـراره=من عقب ماهبـت عليـه المعاصيـر
يامكثـر الجلطـات عقـب انهيـاره.=في روس نـاس يجمعـون الدنانيـر

الشاعر
عبدالعزيز ال حمد