^-^مـذكـرآآت درآآآآسية..مع أعضـآآآآآآء منآآآآآبع ^-^

[خلود الياسمين]

ذكريات رائعة أمتعتني
الشكر لصدر الشمالي لعرضه الموضوع الاكثر من رائع
ولمراجن
وقديم الشوق
أقول لهم أستمتعت كثيراً بذكرياتهم
فيها من البراءة الكثير ..,
وفي إنتظار غاليتي سماهر ..,

[صدر الشمالي]

اخيتي عبير شكرا لمرورك وننتظر توريطك من احد الاعضاء قريبا ان شاء الله(:



ماشاء الله اختي مراجن ذكريات حلووووة وممتعه اوما التمويه وكنكم بتسافروون خطيرييييييين اجل كنكم مستعجلين بعد


ذكريات ممتعه استمتعنا بها
والله يوفقك بحياتك المقبلة


سمو الذكريات شرفتمينا بحضورك الراقي

كوني بالقرب


اوخيتي اوراق ورديه عافاك الرحمن وباركك شكرا لحضووورك



اختنا سحابة عطر شكرا لطشطشات عطورك وكوني قريبه


اخينا الغالي
قديم الشوووق امتعتنا كثيرا بما رويت لنا
وماشاء الله اثرك كنت دافور وتغششش الشباب

ما تصير بقاعتنا يوم واحد بس(:

الله يوفقك ويسعدك
بما هو مقبل من حياتك

وبآنتظآر اخيتنا الفاضلة سمآآهر ونلتمس لها العذر حتى مجيئها وننتظرها بشوووق


خلود الياسمين اسآل الله لك الخلود في الجنان في الدار الاخره

شكرا لعذب مرورك

[سمــآهر]

شكرا للفاضل قديم الشوق لإختياري

واتمنى اكون ضيفه خفيفه ..


بسم الله نبدأ مع أحلى ذكريات

اول يوم دراسة تتذكره\ينه واي فصل كنت(مثلا اول اول او اول باء)؟؟؟

هذا يوم ما ينسي ابد .. كنت كاشخه ومستانسه حيل وخصوصا كشختي بالشرايط والشباصات

اذكر امي كانت ماسكه يدي وانا التفت يمين ويسار اشوف البنات كانو اشكثرهم
طبعا كل ما نقرب من الفصل كانت الوناسه تروح والدموع تنزل ,, صار الصج
كنت في فصل أول ألف اذكر هما فصلين وكانت معلمتي اسمها نزهه كانت حبابه وحنونه حيل
كانوا اكثر معلمات المدرسه من نفس الحي اللي احنا فيه كانو خوش واسطه
امي موصيتهم علي احلى توصيه

هل جربت\ي ادعاء المرض يوما ما للغياب وهل نجحت ام لا؟؟

لا أبد كنت نظاميه وأحب المدرسه كانت متنفس لي التقي بصديقاتي وكنت ماخذه الدنيا ببساطه
لعب ووناسه فيها
واليوم اللي اغيب فيه ازعل واتضايق حيل مو حاسبتها لعبه وحرموني منها هههههههه
والحمدلله كان الطاقم التعليمي في كل مرحله انتقلت لها في القمه
من تدريس واخلاق بمعنى هما كانو يحببونه في الدوام وليس الغياب

هل حصلت معك\ي موقف اضطررت للعذر الوهمي للأستاذ\ة؟؟

مره واحده كنت في ثانوي وكان علينه حصة اقتصاد وما شاء الله استاذتنه كانت حازمه في التحضير
ما كان يهمها شنو فهمت كثر ما يهمها حفظ الدرس
وكانت حصصها يوميا وكل يوم تعطينه درس جديد ,, ذاك اليوم حضرت الدرس ورجعت الفجر راجعته
ورحت لموقف الباص ( كانت المدرسه بعيده حيل عن منطقتنه ) المهم وانا انتظر الباص فتحت الكتاب
وقعدت احفظ شفت ما في فايده الدرس صعب علي احفظه ,,
خفت من الاستاذه واكيد راح تزفني وتسمعني كم كلمه وعاد انا حساسه حيل من الزف هههههههه
المهم قلت لصديقة الدراسه انا برجع البيت وانتي خبري الاستاذه اني مريضه
ولا شوف الحظ الحلو انا غبت والاستاذه المحترمه ما داومت

هل تتذكر اصحاب الابتدائي واسماء بعضهم وهل تراهم الان ام لا؟؟

اكيد اتذكرهم وخصوصا كنا في حي واحد ,, ودرسنا المرحله الابتدائيه
والاعداديه والثانويه مع بعض
اما الجامعه تفرقنا
اما عن رؤيتهم ,, احيانا وفي فترات متباعده بسبب انتقالنه لمنطقه جديده بعد المرحلة الثانويه مباشره

موقف لا تنساه حصل معك بالمدرسه؟؟

في الصف الرابع إبتدائي وفي حصة اللغة العربية
اكتبت المعلمه جملة على السبورة وطلبت منه نعرب كلمة فيها ...
فكانت تنادي بأسماء الطالبات مثلا ،، مريم ,, خلود وكانت كل بنت تعربها على كيفها
اللي قالت مبتدأ واللي قالت خبر وغيره وكل اجابتهم خطأ
الا شوي واسمع اسمي يرن في الفصل وقفت وانا مرعوبه ما تم صفه للاعراب ما قالوها البنات وكلهم غلط

يا رب ,, يا رب ودورت على صفة للاعراب ما قالوها البنات فقلت مضاف إليه يا عيني على الشطاره ههههههههه
الا تقول الاستاذه ممتاز صح مضاف إليه لهنا كل اللي صار حلووووو

وصلنه لمرحلة العقاب امسكت الاستاذه المسطره وبدت تضرب البنات وكانت كل ضربه ارجف منها
المهم وصلت للبنت اللي جنبي وضربتها الا اشوفها تقول لي فتحي يدك بسرعه
انا هنا ما قدرت انطق بكلمه وبكل براءة فتحت يدي وضربتني والدموع تنزل شلال ههههههههههه
الا شوي اشوف المدرسه رجعت لي وقالت افا ضربتك بالغلط وانتي الوحيده اللي مجاوبه صح
خذتني واعتذرت مني وباستني على راسي وقالت معلش سامحيني انقهرت لما شفت ثلاثة ارباع الصف
ما يعرفون الاجابه وفي اليوم الثاني اهدتني هديه عباره عن علبة هندسه
>> المهم اكلت معاهم الضربه يمكن عشان اجابتي مو على فهم ’’ تخمين

صدر الشمالي ما شاء الله أسألتك فضايح هههههههه

موقف طريف حصل معك بأيام الدراسه؟؟

كنا طالعين رحله مدرسيه لأحد المزارع وكان الجو شتوي اول ما وصلنه
رحت العب وادور حول بركة السباحه والاستاذه تناديني وانا مستمره في اللعب
الا شوي ما شفت حالي الا داخل بركة السباحه وتصورو كان شتا والماي كان قالب ثلج
بسرعه طلعوني واذكر شغلوا الدفايه وظليت بملابسي الداخليه مقابله الدفايه طول اليوم > يبوني أجف
راحت علي الرحله والوناسه وصرت حبيسة الغرفه > المشاغبه وما تسوي هههههههه

هل كنت\ي من افراد شلة بالمدرسة مشاغبة مع لعب متواصل بالفسح؟؟

لا كنت هادئه وما احب انضم لأي شله للمشاغبات لانه دايم العين عليهم وخصوصا في العقاب الاداري

نريد الصراحه هنا(هل مرة اتيت بدوووويحه حمراء بالشهادة>جبت ضعيف بمادة وما هي >

وهل رسبت سنة دراسية بأيام دراستك؟؟

لا ابدا كنت شطوره ..

اي صف تعتبره الافضل بمرحلتك الدراسيه ولن تنساااه وصحبته؟؟؟

صف ثالث ثانوي .. وكنت في ثالث ثلاثه كانت احلى ايام الدراسه ,,
كان في فصلي شله ما يعلم بها الا ربنا .. ما شاء الله عليهم شباب مو بنات
كل يومين معاقبين ويا كثر الانذارات عليهم ,, > اما انا كنت ضمن شلة الهداوه والشطار
... يمكن اعتبره الافضل عشان هو كان الفاصل بين المدرسه والجامعه
والمضحك كلهم تخرجوا بشهادة حسن سيرة وسلوك بتقدير ممتاز

هل حصل لك موقف ظُلمت\ي فيه بدرجات بأحد المواد

وهل سكتت ام ماذا عملت؟؟

لا ابد بس في بعض المدرسات الله يهديهم يعطون الدرجات على مزاجهم وان تكلمت
وناقشتهم قالو اللي ما يعجبه يروح يشتكي .. والشكوى لغير الله مذله ,,

هل غشيت يوم من الايام بأختبارات المدرسة؟؟

لا ولا فكرت بيوم اني اغش ما كان من ضمن خططي المدرسيه..
اللي اعرفه اكتبه

هل يوما ما اعطوك استدعاء ولي امر او فصل لمشكلة افتعلتها او لظلم حل بك

نعم في يوم المشرفه استدعتني وعطتني رساله اسلمها لأمي وقالت ضروري تحضر
يوم الخميس كنت في سادس ابتدائي اخذتها وسلمتها ولما قرأتها أمي طلع هو استدعاء لها لتكريمها في حفلة
تكريم الطالبات المتفوقات
فكانت فكره حلوه يكرمون الأم والبنت المتفوقه
واذكر هديتها كانت طقم أواني من النوع الراقي وعطر
خوش استدعاء

ان كنت متخرج كم كانت نسبتك\ي واي قسم(علمي والا ادبي"شرعي")
وللذين مازالوا يدرسون كم نسبة اخر سنة ؟؟

القسم الأدبي بنسبة 94.6%




جزيل الشكر لصاحب الفكرة الرائعه رجعتنا لأيام اعتقدت اني نسيتها

دمت بخير



أختار من بعدي الغالية


خلود الياسمين

رحله سعيده مع ذكريات المدرسة




باقة ورد للجميع

[خلود الياسمين]

الله ذكريات ولا أحلي
اما الصدف في الاجابات راااااااااااااائعه ضحكت عليها من قلب
أمتعتينا سماهر
وخووووووووووووش توريطه ههههههههه
لي عودهـ بإذن الله ..,
ودي ووردي ..,

[صدر الشمالي]

ماشاء الله استمتعت كثيييير بالاجابات

وخصوصا موقف البركه وضليتي لحالك بالغرفه والناس تلعب كله من زووود الثقل:)


ذكريات ممتعه ماشاء الله وبااااااسمه جعل الله كل ايامك مبتسمه


شكرا ع تلبية الدعوة

وونتظر اخيتنا خلووود تدلي بدلوا الفضائح>اقصد الذكريات :)


وموفقين

[عناوين الدمـوع]

يعطيك العافيه اخوي الصدر الشمالي ماقصرت موضوع مميز وممتع

ومشاركات الاعضاء زادت الموضوع متعة وتشويقا

لك مني جزيل الشكر ووافر التقدير..

[صدر الشمالي]

بوركتي اوخيا ع المرور والتشجيع

ومازلنا ا ننتظر اخيتنا خلود ونلتمس لها العذر بغيابها


شكرا للجميع

[صدر الشمالي]

اشكر اختي خلود الياسمين ع التدبيسه :)


بسم الله نبدآ



اول يوم دراسة تتذكره\ينه واي فصل كنت(مثلا اول اول او اول باء)؟؟؟
اظنه اول باء>درست بس اول ابتدائي بالسعوديه>الخفجي
والباقي بالكويت



هل جربت\ي ادعاء المرض يوما ما للغياب وهل نجحت ام لا؟؟
مره مرتين

عد وخربط :)





هل حصلت معك\ي موقف اضطررت للعذر الوهمي للأستاذ\ة؟؟
تقول موقف موااااقف
اقصى شي نقول استا1ذ كنا نصلي >لاتآخرنا بالفسحه الثانيه





هل تتذكر اصحاب الابتدائي واسماء بعضهم وهل تراهم الان ام لا؟؟
هالسؤال يبي يبكيني لا تذكرت جمعتنا ولعبنا
واليوم اللي بالقصيم يدرس واللي بالشرقيه واللي بالكويت واللي بمصر
تفرقنا الله المستعان :(



موقف لا تنساه حصل معك بالمدرسه؟؟
بس لحد يتشمت
بثاني ابتدائي كان اخوي بفصلي وكنا نفس الشنط
والصبح كانت سيارة ابوي متعطله ويبي يوصلنا مشي المدرسه مو بعيده
المهم اخوي تآخر وانا جاهز وحاط الشنطه عند الباب والعب>يالله صباح خيير
المهم خلصوا وطلعوا اخوووي طلع واخذ شنطتي يحسبها شنطته ولا ادري
واقعد ادووور الشنطه انا واهلي وقريب ابكي وابوي راح هو وخواني بعيد شوي وراااد ابووي
معصصصب يووم قرب للبيت والقى الشنطه تحت الديباج وطلعت ولا هو بوجهي الحرارة h
ولا الووومه بزر ورجعته
ويجيني شلوووتي بالشاااااارع محتررررررررررررررررم
وع الطاااير مثل الطراااق ع العلبه وتخبروون الجو اظنه توه متغيير والخشم شوي ينزل>وع
وقامت تطاااير اشياااء
ويصرخ ابووي لابو هالخنـ .....
خخخخخخخ
ورحت للمدرسه وبي الشهقه من اللي جاني :(
والغبنه يوم دخلت الفصل وافتح الشنطه والقى الكتاب مكتوب عليه
احمد علي الشمري>اسم اخووي
وانا انغببببببببن ودي اصييييح كل هالشلوتيات والطراقات وانا مظلووم
اهئ اهئ
ورجعت للبيت ومسوي زعلان ونايم بالفراش
ولحد درى عني :)





موقف طريف حصل معك بأيام الدراسه؟؟
اعطوني بالثانويه استدعاء ولي امر
وابوي مسافر واساسا لو موجود مابيه يدري :)
واوقف بالشارع آآشر للسيارات وتوقف لي سيارة واقول يالغالي ما تدخلني المدرسه علي اختبار وابوي مسافر
ع انك خالي
>عشان ما يطابقون الاسم :)
والقى رجال وقلت له وقال يلا
ودخلت وحسيت الاخصائي المصري شك
قال للوكيل الولد دا قايب راجل بيقول انو خالوو

واسحب نفسي واطلع بكرامتي :)



هل كنت\ي من افراد شلة بالمدرسة مشاغبة مع لعب متواصل بالفسح؟؟
يااااااه

لا تذكروني بشلتنا بالابتدائي
شوي وابكي لا تذكرتهم


نريد الصراحه هنا(هل مرة اتيت بدوووويحه حمراء بالشهادة>جبت ضعيف بمادة وما هي >وهل رسبت سنة دراسية بأيام دراستك؟؟
تبون تغسلون يدكم مني
6 سنين خدمه بالثانويه >زين ما طلعوني تقاعد:)




اي صف تعتبره الافضل بمرحلتك الدراسيه ولن تنساااه وصحبته؟؟؟
ثالث ثنوي >السنه اللي قبل الاخيره عندنا بالكويت طبعا الثانويه 4 سنين
بس من كم سنه صارت 3 سنين والمتوسط 4 والابتدائي 5



هل حصل لك موقف ظُلمت\ي فيه بدرجات بأحد المواد
وهل سكتت ام ماذا عملت؟؟
اي ماده الفرنسي بثالث ادبي
قلت بوجهه ياكانك ظالمني جعلك تلقاها بعيالك
وطلعت :)





هل غشيت يوم من الايام بأختبارات المدرسة؟؟
للأسف
يس


هل يوما ما اعطوك استدعاء ولي امر او فصل لمشكلة افتعلتها او لظلم حل بك
كثييييير




واخيرا



ان كنت متخرج كم كانت نسبتك\ي واي قسم(علمي والا ادبي"شرعي"
)وللذين مازالوا يدرسون كم نسبة اخر سنة ؟؟
نجي للأحراج
طبعا نسبتي 70 ادبي
بس والله تسوى فوق الـ 85 بالسعوديه
لاننا صج درااسه واختبارات
يعني يكفي اخر سنه كانت تخيلو اعمال السنه كامله عليها 25 %
والاختبار النهائي 75%
وطبعا بالاختبار ندرس الفصلين
يعني من بدايه السنه لنهايتها

وين اللي ينجح بسس


ومشكووره اختي خلوود ع التدبيسه

واختار من بعدي


اختنا صاحبه الحس الادبي
7
7
7

انزواء انثى

[صدر الشمالي]

نظرا لغياب اختنا انزواء انثى
اعادها الله لنا سالمه


تم اختيار اختنا



ميلاد انوثه

ومتشووقون لتواجدها

[خلود الياسمين]

هههههههههههههههههههههه
يا حلومذكراتكـ شئ خطير
شكلك مشاغب درجة أولى
أستمتعت فيها حيل والله
الله يسعد أيامكـ
مثل ما أسعدتني اليوم
وننتظر ميلاد الأنوثهـ
نشوف فراشات المنتدي وش عندهم من مشاكسات (: