][ صباح الخير ][

[عبدالعزيز الرقابي]

أضع هذه المتواضعه بين ناظريكم ،، وأتمني أن تصل إلى قلوبكم ..

صباح الخير ياقلبي صباح الورد والكادي= صباح ٍ مني معطر بأحلى ورود جوريه
صباح المسك والعنبر صباح الطير والشادي=صباح الخير ياعمري ياأحلى بنت حوريه
أشوف البدر في عيونك واشوفه كنه ينادي=بوده لو يجي عندك وياخذ وصفه سحريه
سحرتي كل من حولك وحتى شلة النادي= يشوفونك سحابة شوق مرت وقت عصريه
صباح إسمك يانواره ورسمك ماهو بعادي=فسبحان الذي يرسم ملاك بسحر قمريه
بودي لو أشوفك ياسناء للضئ برقادي= وأسبح في تواصيفك من الحايل لسوريه
وأشوف الموج يغمرني وسط شلالك الهادي=وخليتي الخيال اللي جذبني واحة بحريه
أنا مآخذ من الزينات إلا العطر والكادي= فعشقي من صغر سني لوردة فل عطريـه
صباحي ينتظر رؤياك ويمك سافر منادي=ياليته يجمع الماضي ويرسم لوحه شعريه
يترجم صدق إحساسي بأنه مهد ميلادي=ويترجم لحظه بلحظه قصيدة وصف عذريه

عبدالعزيز الرقابي
مجلة زهرة الخليج العدد 1500
السنه 29 بتاريخ 13/12/1428 هـ