اكتب بيت شعر يعبر عنك في اللحظه..!! أرجو التثبيت

[بروق السحايب]

هلا بكـ سحر الحرف

نورتي عزيزتي

[بروق السحايب]

الله .. من ضيقة ٍ .. جتني .. وأمشيـّها
....................... والله من صرخة ٍ .. ماهيب .. مسموعـه


مليت من هالظروف .. وكل مافيـها
....................... قلبي .. ورب السما .. شبعان من جـوعه

[عبير الشرقية]

الليله اغراني السكوت عن الكلام
بردان من جوّاي واتقاطر عرق !

لو كل هم ّ يمرّني ، يمرّ بسلام
ما كنت اسولف للسما وانزف أرق

والآدمي لا طاح من طوله وقام
وحاول يعيد اللي مضاله أحترق

أحيان ودّك تفرش الغيم وتناااااااام
وتصير مثل الريح وهمومك ورق !!

[عبير الشرقية]

كان الغناوي عقب عيني تغنيك
ـــــــــــــــــــ من قلبه المهيوم نبضي تغناك
وكان الليالي في هوانا تنسيك
ـــــــــــــــــــ مافيه ضلعن في عروقي تناساك
حتى الذي ابطى بصوته يناديك
ـــــــــــــــــــ فسر وصور حيرته ثم ناداك
كل المشاعر وقفت في موانيك
ـــــــــــــــــــ تنشد من اللهفه بعد ضاعت مناك
تلفظ على جزر المحبة شواطيك
ـــــــــــــــــــ ومد الليالي ماتصافحه يمناك

[ذكرى للأبد]

هذا حبييبي ياعرب شفتو مثله
كل الحلى في عيونه وفي قامة القد
معذور ليمن ذاب قلبي من اجله
معذور ليمن هل دمعي على الخد

[عبير الشرقية]

حلاة الشعر ياعذب الســـــجايا
يبيح بسر ّمكنون الحــــــــنايا
يطيب الشعر لاطابت هجوسة
ونكسب بّه عن الضيقه مزايا
مشاعرنا نترجمها ببــــــــحره
وتظهر صورته مثل المــرايا
وانا لولا الغلا ماجيت عانــــي
بقاف الشعر في ورد وهدايـا
لأن الكلـــــــــــمه اللي تبتديها
طعمها غير من حمر الشفايا

[ذكرى للأبد]

أنا تعلمت الهوى تحت يمناك..
درست معنى العشق حسب اختياري..
مبغاك تعشقني ولكني أبغاك..
لاضاقت الدنيا تصير داري..
وابيك لامني تزاعلت وياك
ترضي غروري قبل أجيب اعتذاري..
وابيك تدري لو أحاول بفرقاك
إني بحاول قبلها بانتحاري..!

[نغم]

مساء الخيرات
صفحة انيقه كاناقه اصحابها
مشاركه اولى
متى تزين السوالف وآخذ علومه
واسامحه عن خطاه الجرح والونّه
واعاتبه لو يصد شوي والومه
واذكره باول المسفار حتى إنه
لا من تذكر زمان اول نسى نومه

[محمد الفرحان]

المشاركة الأصلية كتبت بواسطة سحر الحرف

محمد الفرخان اهلا بك وبعودتك لمنابع كم اشتقنا لوجودك بننا

هلا بك اكثر عزيزتي سحر الحرف

والشوق متبادل بالتواجد في منابعنا

الغالية

شكرا لكِ مع يقيني ان الشكر

لايكفي. .

.

[محمد الفرحان]

.

.

ياحول انا من بدة الناس ياحول = دايم معك حظي عزومه رديه