نــوف & فهــد -- فهــد & نــوف

[فايز آل بذال]

السلام عليكم


صباح / مساء / الهيل

رساله مجهوله عبر الأيميل


( أنا نوف وهو فهد أبيه وما أبيه مع بعض التفاصيل المبهمه )



فأتت هذه الكيبورديه

لكم

ثم لكل نوف وكل فهد


شاعر الهيل




نــــــــ فهـــد ـــــــوف
.
.
.

لا تحسبني يا فهد يوم صديت=قصدي تسلي عنك / هي نوف تسلاك؟
ما انساك لو عني بعدت وتناسيت=يكفي أعيش ان غبت عني بذكراك
استسمحك لو انت في حقي اخطيت=منك الخطا مسموح وان عدت يفداك
تدري احبك يافهد لكن ازريت=أمشي طريق ٍ كله اخطار واشواك
أدري أنا وانت امس تدري تماديت=يوم ان سمحت لنفسي آصلك وانصاك
ماكان حبي لك مثل ما انت ظنيت=ماكان حبي يوم با ارقام واسلاك
انسى زمان ٍ فيه لجلك تخطيت=كل الحدود اللي بها نوف تلقاك
لولاي احبك ما تنازلت واعطيت=كل العطايا وانت وشهي عطاياك
وش عاد لو انك لفيت وتقهويت=ثم ٍ طلبت ايدي من آبوي واعطاك
إن كنت شاري فا أنت بتدله البيت=وان كنت بايع قلت عطنا مقفاك
ما قلت هالأبيات قصدي تخليت=لكن أبيك اليوم تثبت مزاياك

.
.
.
وسلامتكم


شاعر الهيل