..!!! قيد انمـله !!!...

[فواز المطيري]

عند خـلــود البشر
في غمضة بصر
على جُنح الليل السَرير

اقتنيني كيف ما..
واين ما.. تُريدين..

ركنُ عنـايتي انتي..
وقصتي.. وروايتي..
وحديثُ قلبٍ يتلذذُ عنوةً بكِ

والمبدأ الحيثي بيننا
اننا .. كُـنا ومازلنا.. هُـنا

ايتهُـا الفاكهه



وفي نهاية المطــاف المجيد.. نقِفُ هُـنا .

.

[فواز المطيري]

وعندما ترى الشي الجميل مِن النـاس الاجمل .. تبتهجُ فرحاً .. وسروراً..
ولكن تقفُ وقفــه.. كيف ترد الجمـال بالجمــال.. هذا ان استطعت..


ومن لا يشكر النــاس..
لا يشكر الله ..

والشكر للاخ العزيز المصمم / عـــامر المحبه

[فواز المطيري]

الكوب.. والفنجآل.. واوراق.. واقلام=في ساعة الليل الاخير المبهم
غفيت.. والدنيـا من اعدام في اعدام=مثل ارتفـاع او انخفاض الاسهم
صوره تجي من خلف وعشرين قدّام=عجزت اميّز بينهن او افهم
في حاجة التفكير وفحـاجة المـام=واللون الابيض مايحّـب الآدهم
وقلوب تضحك.. حِبها دمع الايتآم=وجروح تنزف ماتحّب المرهم
وعالم.. تحّب تعدّ.. وتخون الارقام=وكلٍ على ركب الخيـانه يجهم

[فواز المطيري]

قألوا : تكّلم . قلت : عن من ؟ ولمن ؟=وليه اتكلّـم .. والحقـايق اليمه
شاعر تعّب مِن ضحكة النـّـاب .. والسنّ=وامجامل اللي ضحكته له قديمه
واذا سألت الصمت.. يقول لك لن=النـاس تغدر .. والامـاني سقيمه
قالوا : تحبـّـه قلت : بالهــون يا هَـن=القلب له .. قدرٍ.. وعزّ.. وحشيمه
اسأل على كيفك من الحين .. لكن= اذا وصلت القلب صارت جريمه

[فواز المطيري]

ياحي.. ياقيّوم.. يابرّ.. يانور..!َ=امنت بك يارب ماني بمشرك
اعوذ بك من قسوة القلب.. والجور=والظلم.. والظلمه.. وحرمآن اجرك
والهمز.. والبهتآن.. والكذب.. والزور=وقطع الرجآ.. واليآس.. ونسيآن امرك
وجهّت وجهي لك ذليلٍ ومكسور=عبدك بنو عبدك ولرضآك يبرك
ويالله ياللي يشرح بذكره صدور=انك تزيد الصدر راحه بذكرك

[فواز المطيري]

الحـرّ في بعدك.. وفي شوفتك برد=وان زاد قربك.. زادني دفء قربك
لا يابعد من يعشق .. الفل.. والورد..=من زود عشقك.. اعشق اكلك.. وشربك

[فواز المطيري]

عفواً.. لـ

الصدق.. يازينه.. ويازين مبداه=والكذب ياشينه وياشين راعيه
ابسألك بالله.. والكذب ما ابغاه=لنّي ما احب.. الكذب ولاني بدانيه
واذا سألتك لا تجاوبني بـ / هااااه=من قال هااااه .. ايعرف ويش اللي اعنيه
كم لك معي.. واقول غالي.. وانا افداه..؟=كم لك معي..وارخص لجل عينك جنيه..؟
وان غبت.. معك اغيب.. وتغيب الافواه=من بسمة الدنيا.. الى نظرة التيـه
كتبت فيك الشعر.. وان جيت تقراه=تفخربك حروفه.. وتفخر معانيه
بِك يبتسم حرفه.. ويضحك محيـّـاه=كلــّـه لجلك تفرح.. وانا فرحك اشريه
وادعي لك الله .. كل ماقلت ربّـاه=واقــول يـاربي.. على الخير تهـديه
ماكنت له يسرى.. انا كنت يمناه=على جميع الخـلق .. غالي..وابدّيه
ازعل لجل يرضى.. ولا شفت شرواه=وافرح بفرحه.. واطلب الله يخليه
وجعل الفرح فآله على الخير مرباه=والازم احزانه.. من الااااااه لـ / ايييييه
وراحت هبآءً ينثره كل من جاه =ماكنني قدّمت لك خير ياهييه
مثل الذي وضّـى بس الفرض خـلاّه=ومثل الذي يزرع.. ولا شيّ يجنيه
والله يسامح زلته.. ويغفر اخطاه=ماكنت احسب ان الخطايا .. توطـّـيه

قلمُ ُ لا يتأقلم

[فواز المطيري]

غرّد حِزن.. مدري فرح.. ياشادي=ليـّه ثلاث شهور فاقد طفله
واشوفها فالعيد.. جات تنادي=وان جيتها.. قالت : تراني خبله
تمشي مع العالم وجداّ.. عااادي=بس المهم فواز ماتقرِب له
مدري وش اللي بيننا ياهادي=ماهمها همي.. ولا تحسب له
ان غبت.. انا ادري ان غيآبي عادي=وان جيت انا ادري ان حضوري مثله
ياربي انك لاتزيد جهادي=ياعالمٍ حتى دبيب النمله
ماني على قطع الرجا معتادي=وجهت وجهي يا إلهي قبله
وان عاش راسي مايميل شدادي=والعيد كلٍ عيّده عند اهله
يهدون ورد.. وياسمين.. وكادي=واقول انا يالله ..عساه.. وجعله
والناس في وادي.. وانا في وادي=ابدع من عيون القصيد.. وجزله
واليا.. انشدوني.. قلت: جوي هادي=والعيد يازين .. ومزين وصله
وغرّد حزن.. مدري فرح ياشادي=غابت ثلاث شهور عني طفله

[فواز المطيري]

لله خوف المؤمن اللي يراقبه=الواحد اللي مافرق حرّ ورقيق
ياعالمٍ ماكنت عني حاجبه=يامن تحت امره زفيري والشهيق
ادعوك دعوه عنك ماهي غايبه=ياواحدٍ ماكلّف بما لا نطيق
عبدك بنو عبدك وصبره فاض به=يارب تفرجها عساها ماتضيق
اعوذ بك ياربّ سوء العاقبه= وانك تقـّديني صراطك والطريق
اعيش وقتٍ مافرح من عاش به=ماهو بعايقني ولا يمكن يعيق
بأمرك فقط اليا بغيته داربه=والامر لك اجلال امري والدقيق
ان كان يشربني فلاني شاربه=ماني مقـّيد له ابدّ حرٍ طليق
شاعر ويغرق فالحقايق قاربه=اقرب من عيون الشهاده للغريق
شاعر مدّسم قبل حرفه شاربه=اكبر همومه لا تحاشاه الرفيق
واعظم همومه مايلقّي غاربه=في زمانٍ شاف به مالا يليق
رفيق دربه بالبنآن يشـار به=صيته على ماقالوا يضاهي طويق
في حضرته الخير معه مواكبه=واذا هرج ينشف معه 200 ريق

[فواز المطيري]

ان كان عينك ماتشوف .. او كان عينك تسبره=شوف الذي شافت عيوني.. وانظر اللي تنظره
تعبت من صمتك .. وقلت:ليلي اشهد مطوووله=تعبت من نفث القصيد.. ومن وجود المحبره