ادري ان صرت بغيابك.. وفي ٌ لا يـُطال = للوفاء مضرب مثال ٌ في علوم الطيبين
اسمعي بآخر قصيدة .. بعدها قطع الوصال = بعدها .. مافيه شيءٍ يربط لآخر يقين ..!
( الطموح اللي بنينا ) ينهدم قبل الزوال) = ينهدم قبل الغروب .. ويندفن حلم الثنين
( ينهدم لأجل الشريعة ) ( ينهدم لأجل العدال ) = ( ينهدم لأجل الأماني ) ( ينهدم لأجل السنين)
( ينهدم يأول حبيبه ) ( ينهدم يأغلى غزال ) = (ينهدم ياأجمل عيون ) ( وينهدم يا أوفى ضنين )
ينهدم .. لأن القلوب أولى بتحقيق المنال = ينهدم .. لأن التعازي ما ترد الميتين
مابقى غير الوداع .. وكفني حسن القبال = وسامحيني كل لحظة .. واسمعي هالكلمتين
و الله انه ما ملأ عيني .. بعد حسنك جمال = والله انه ما سكن قلبي بعد رحتي عوين
بأوعدك ..يبقى مكانك والهوى ما اعطيهبال = ولايحرك من شعوري بنت .. واحلف لك يمين
أرحلي والله معك في غيبتك والارتحال = وارحلي ..لآخر مدى والدرب ( ورد وياسمين..!)
ارحلي ..بالذكريات وباقي الحب الـمُـزال = وارحلي.. تكفين لا يردك على الشامخ حنين ..!
وارحلي .. واتجاهلي كل الكلام اللي يقال = لو سمعتي ( حال شامخ ماتسر الناظرين ..!)
صدقيني .. لو تشوفيني على جرف ٍ هيال = ما انتظرت .. الا وانا اعرف وش يكون المسلكين ..!
صدقيني .. ( مرحلة بتـُمر ) والصبر ابتذال = بأبتسم رغم الجروح .. ولاعقدت الحاجبين
صدقيني .. لا سمح قلبي .. بأدور لك بدال = يا عسى قلبي يلين .. ويا عسى ربي يعين ..!