السلام عليكم ورحمة الله وبركاته
المساء هذا كئيب .. وذكرياتي به طوال
................ والثواني .. والدقايق .. بالخطى .. متثاقلين ..!
نشرت الجزء الأول من قصيدة الوداع هنا
وفي هذا المساء .. إحتفالية القصيدة بعامها الثالث ..
يسرني ان اضع الجزء الثاني من القصيدة بين ايديكم .. !
ادري ان صرت بغيابك.. وفي ٌ لا يـُطال = للوفاء مضرب مثال ٌ في علوم الطيبين
اسمعي بآخر قصيدة .. بعدها قطع الوصال = بعدها .. مافيه شيءٍ يربط لآخر يقين ..!
( الطموح اللي بنينا ) ينهدم قبل الزوال) = ينهدم قبل الغروب .. ويندفن حلم الثنين
( ينهدم لأجل الشريعة ) ( ينهدم لأجل العدال ) = ( ينهدم لأجل الأماني ) ( ينهدم لأجل السنين)
( ينهدم يأول حبيبه ) ( ينهدم يأغلى غزال ) = (ينهدم ياأجمل عيون ) ( وينهدم يا أوفى ضنين )
ينهدم .. لأن القلوب أولى بتحقيق المنال = ينهدم .. لأن التعازي ما ترد الميتين
مابقى غير الوداع .. وكفني حسن القبال = وسامحيني كل لحظة .. واسمعي هالكلمتين
و الله انه ما ملأ عيني .. بعد حسنك جمال = والله انه ما سكن قلبي بعد رحتي عوين
بأوعدك ..يبقى مكانك والهوى ما اعطيهبال = ولايحرك من شعوري بنت .. واحلف لك يمين
أرحلي والله معك في غيبتك والارتحال = وارحلي ..لآخر مدى والدرب ( ورد وياسمين..!)
ارحلي ..بالذكريات وباقي الحب الـمُـزال = وارحلي.. تكفين لا يردك على الشامخ حنين ..!
وارحلي .. واتجاهلي كل الكلام اللي يقال = لو سمعتي ( حال شامخ ماتسر الناظرين ..!)
صدقيني .. لو تشوفيني على جرف ٍ هيال = ما انتظرت .. الا وانا اعرف وش يكون المسلكين ..!
صدقيني .. ( مرحلة بتـُمر ) والصبر ابتذال = بأبتسم رغم الجروح .. ولاعقدت الحاجبين
صدقيني .. لا سمح قلبي .. بأدور لك بدال = يا عسى قلبي يلين .. ويا عسى ربي يعين ..!
[30/04/1424هـ
وللقصيدة بقية قريبا ً ..
ولكم التقدير والتحية
من اخيكم شامخ الرشيدي
أنت غير مسجل في منتديات منابع الأدبية . للتسجيل الرجاء إضغط هنـا
30-05-2006, 10:56 PM
قصيدة الوداع .. وليلة زفاف / الجزء الثاني ..)
شامخ الرشيدي 
العرض العادي
