ذوقك هو الأجمل .. أختر قصيدة وأعرض ما أعجبك بها من أبيات

[محمد الفرحان]

.

.

رائعة

يـا سـعـد ...!!!

لشاعر المنابع الأدبية

خليل الشبرمي

ياسعد وش شاف مجنون ليلى بالغرام=أشهد انه وان بِلِي بلوته ياهونها
ياسعد ليلاه وان مات فيها مستهام=تدري انه بالهوى ياسعد مجنونها
المصيبه من غدى ميتٍ له كم عام=عشقته ماتدري انه قتيل عيونها
قرهدت نفسه عليها ومرّ الكبد زام=ودوك قلبه ياسعد مزّعته طعونها
ياسعد والله يالولا الولي واخشى الملام=والقرابه والحيا والهوى وجفونها
لاانهبه وانحاش واجلى جنوب ديار يام=ما يردن لو وقف جيش هتلر دونها
ياسعد راع الهوى بالهوى لاضيم شام=مايرده طول بيبانها وحصونها
وان غوى راع الهوى في هواها مايلام=لااجتمع غبن الزمن ياسعد وغبونها
ياسعد هي منوة اللي تمنى والمرام=لعن ابو حظٍ قصر ياسعد من دونها
أسمع الرعاد واخيل براق الغمام=بس مادري ياسعد وين وبل مزونها
ياسعد والله فلا اسلى هواها لاحرام=لو يلوح الشيب في لحيتي وقرونها
وخذ وصاتي ياسعد وصلّه بنت الحشام=ذي وصاتي كان غيري غدى مظنونها
لا شرت ثوب الفرح تشتري لي باع خام=يدفنوني ليلة العرس ويزفونها

وسلامتـــــــــــــكم ...


.

[نجديه]

اسعد الله مساءكم بالخير وادام علينا نعمة الامن والامان

بعد ما قرات بوح ::: الكاتب الكريم ياسر السفياني عن اطفال غزه

اعادني للوراء ..... وتذكرت قصيدة :: الشهيد: سيد قطب رحمه الله

فاحببت ان ااخذ منها شئ قليل لعلها تعيد في انفسنا شي او تحييي

اليكم بعض من اباتها:::::

اخي انت حروراء السدود

اخي انت حر في تلك القيود

اذا كنت بالله مستعصما

فماذا يضيرك كيد العبيد

اخي هل تراك سئمت الكفاح

والقيت عن كاحليك السلاح

,,,,,,,,,,,,,,,,,,,,,,,,,,,,,,,

اخي انني صلب المراس

ادك صخور الجبال الراسيات

غدا ساشيح بفأس الخلاص

رؤوس الافاعي الى ان تبيد

اخي ان ذرفت على الدموع

وبللت قبري بها في خشوع

فأوقد لهم من رفاتي الشموع

وسيرو بها نحو مجد تليد

,,,,,,,,,,,,,,,,,,,,,


اخي انني ماسئمت الكفاح

ولا انا القيت عني السلاح

فان انا مت فأني شهيد

وانت ستمضي لنصر مجيد

سأثأر ولكن لرب ودين

وامضي على سنتي في يقين

فاما الى النصر فوق الانام

واما الى الله في الخالدين

اي والله فاما الى الله في الخالدين

لاتعليق ....... سوى حزن والم (( وامل في غد جميل )(:avatar:

[نجديه]

رحعت لصفحتك مره ثانيه ... سراب...:avatar:


السلام عليكم..:s13:

قصيده اعتقد انها قديمه جدا



ومريت بيت للمحبين مقفول

وجابتني القدره على حد بابه

ونشد جيرانه عسى البيت منزول

قالو حبيبك راح لا واسفابه

وله مدة بالسوق ماشيف له زول

وبابه عليه من السوافي ترابه

واقفيت واللي بين الاضلاع مجهول

حب درسته غيب ماهو كتابه

اهلا هلابك ناعس الطرف مكحول

ما دمت انا حي لحبل ينرجابه


.....................


السوافي: اطراف الباب امتلات بالتراب لغياب اهلها عنها

نشدت: سالت

اقفيت: ذهبت

ماشيف: لم نراه او لم اراه

ينر جابه: الرجاء والامل بوجوده

.............................

اتمنى انها تعجبكم...... :rose:

اخترت لشاعرتنا وشاعرة المنابع الاخت مزون المحمد



لقلوبكم النقيّة ..

سديت باب العفو ياقلبـي الميـت = واردمت فوق الحزن "حزني" ردامه
ماعاد فيها قول "ياعـل" "ياليـت"= أقفت ضعاين هقوتـي بالسلامـه
سرقت عيني بالنظـر ثـم لديـت = طاح الوفا باسباب كسـرة سنامـه
كسرت شوفي ومع دموعي تواريت = واثر الدمع بيّن بوجهـي علامـه
يبطي بي الهاجوس لو كان سجيت = وتجرحني قولة "ماعليهـا ملامـه"
أنا اللي من جمر الهوى قد تغنيت = غنيت حرفٍ ذاهـبٍ بـي غرامـه
أوااه ياقلبي تـرى منـك عانيـت = هانت عليّ دنياي عقـب الكرامـه
ياكثر ما أعطيت واعطيت واعطيت = كف العطا عميا ولبسـت عمامـه
ماني على ذكر المقفـي تشقيـت = رميت له كاسـه وسكـرة هيامـه
ما أذكر إني مـرةٍ قـد تهاويـت = دايم وأنا لـي بالزعامـه زعامـه
وما أذكر إني بالشعر قد تباهيـت = اتبع حلاله مجْنبـة عـن حرامـه
أنا اللي دايم من دلالـه تقهويـت =شربـت فنجالـه بعـز وشهامـه
كتبت جزل القاف من حشمة البيت = وما ادس راسي مثل راس النعامه
وما أذكر إني في حياتـي تهنيـت = حسبي على غدر الزمان وعسامه
ياقو طعن القلب إن كـان خاويـت =شخصٍ حقود ويختلف لك كلامـه
وياشين وقتك كان بالعمر عاديـت= شخصٍ يودك وأنت تدعي عدامـه
ماني على هذي وهـذي تباكيـت =الهم فينـي واصـلٍ بـي مرامـه
ياقلب منت من القلـوب المفاليـت = اللي تراكـض بالحفـا والندامـه
مايسكن فنبضك سوى ذايع الصيت = فعله ينومس به خواله .. عمامـه
لو أن قلبي ينحطم منـه ماابديـت = شوق الهوى لو كان للقلب شامـه
ماني من اللي تاخذ العلـم بلفيـت = خذ مواثيق العهـد مـن زمامـه
ذابت هقاوي مثل ضحك الحواتيت = وماتت على يد الهقـاوي حمامـه

[بروق السحايب]

ياصاحبـي جـارك الله ويـش هالصـدة = مـاهــوب حـــق تولـعـنـي وتنـسـانـي
وان كان عند ك حكى بي خامل السدة = فانت المصدق وانـا حقـي ومـا جانـي


الله الله

أبيات تصف معاناة الكثير من الوشاة


يسلم ذوقك نجدية

بجد أظل أنتظر مشاركاتك المميزة على الدوام عزيزتي

[نجديه]

رجعت لك مره ثانيه ياسراب

بس هالمره بشي مليح فيه عتاب ولوم ومرح اعجبتني




ذي لـعبـة الوقـت والا لـعـبتك فـيني
................. من فيكم الي جرحني واتعب اعصابي

منهـو بحـق المحـبه حـطم سنـيني
................... منهو طعـني بـظهـري عـقب ترحـابي

مـنـهـو جـفـا الود منهو جـرح يديـني
................ مـن سـلـم الراس لـلـسياف و اودا بــي

يالـحـظ ياللـي بخـيل ومـا تراعـيـنـي
.................... الـى مـتـى وانـت ترغمـني وانا مابي

الـى مـتـى وانـت بـالـويـلات كاويـني
................... دامـك ردي وش ابـي بـك واقف ببابي

يـالـحــظ اما تـزيـن او روح هـويـنـــي
................... بكسر وراك الف جـره واسـدل اهدابي

و الحين دامي عرفت الي لعب فيني
..................... ان مـانسيت الغـلا ماكـون بـن دابـــي


إن شاء الله اعجبتكم .... ودخلت مزاجكم

سمعتها بلوتوث وسويت بحث عنها وطلعت با شكال مختلفه

لكن القائل...... مجهول ^ _ ^


نجديه.........

[نجديه]

السلام عليكم

وعوده على صفحتك سراب ..... :avatar:

عشق بدوي...



نويت مرباع الغضي سيد الاحباب
قصدي يزول الجرح زاد التهابه
جيت وبقايا نارهم حول الاطناب
بيت الشعر مطوي وباقي زهابه
اقفت ركايبهم ومني الهدب ذاب
من دمعي يسري والذهل بالاجابه
على غزير الدمع ضميت الاهداب
صديت لين الدمع يكفي سحابه
بعض الوجع يمكن تداويه الاعشاب
وبعض الوجع ياويل منه سطا به
عشق بدوي لحب ماهو بكذاب
يوفي ولو جرحه تجدد صوابه
واليوم وصلت بيننا مثل الاجناب
ذاك الغلا ياضيعته يا سفا به
باكر اذا جينا لهم مثل الاغراب
من عقب ماكنا الاهل والقرابه
الامر لله كل شي لها اسباب
ولا الهوى وش لي على دق بابه
وشلون قلبي مايجي اليوم منصاب
على الرجم منقوش بعض الكتابه
حتى اثر مشيه مع سهول وهضاب
مرٍ يبين ومرٍ مايندرى به
قلبي من الفرقى صويب ومرتاب
كنه غدا نصفين من هول مابه
حزني عليه انه تسبب ولا طاب
نظرة طبيبه عجلت في ذهابه
ريح الخزامى والنفل زين الاطياب
يشدني ريح السمر في ثيابه
لاقبل نسيم الليل له خيل وركاب
وله في طلوع الشمس عز ومهابه



سعد الخريجي .... اتمنى تعجبكم

:rose:

[نجديه]

عدت اليك سراب بعد غياب

صوتيه اتمنى تعجبكم

[محمد محفوظ]

حضور متألق ورائع ومبدع في عالم الكلمه والحرف

ونقل طيب وأحساس جدا صادق خاطب الصمت حتى تحدث


تحياتي لك ولقلمك المبدع

[نجديه]

السلام عليكم

وعدت اليكي ياسراب

بكلمات عذبه.... تناجي القلب والروح ...

اتمنى ان تستمتعو بها معي

يافؤادي لاتسل عن الهوى

كان صرحا من خيال فهوى

اسقني واشرب على اطلاله

واروى عني طالما روى

كيف ذاك الحب امسى خبرا

وحديثا من احاديث الجوى

لست انساك وقد اغريتني

بفم عذب المناداة رقيق

ويد تمتد نحوي كيد

من خلال الموج مدت لغريق

وبريق يظمأ الساري له

اين عينيك من ذاك البريق

:rose: :rose: :rose:

ساكتفي بهذا.... لا اريد ان اطيل

فتثقل القراءه عليكم

ودمتم...... متاملين

نجديه..............:avatar: