ذوقك هو الأجمل .. أختر قصيدة وأعرض ما أعجبك بها من أبيات

[نجديه]

كــــااان ودي فـــــي وصـــالـك تـــنــــكـــتـــب لـــحـــظـــه وأجــــيـــــــك

وأحــكــي لـك الـي مـاقــريـتــه فـي عــيــونــي وفــهـمـه الـــغـــريـــب

* * *

اااهــ يــاقــصـــة غــيـــابــك أســـمــعــهـا ودمــــوعـــي تــــوااســـيـــــك

الــهــم .. والــولــه .. والــشـوق .. مــالــهــا غــيــررك طــبــــيـــب

* * *

ولاتـــقــوول أنــي نــــســـيــــتـــك شــــف حــــروفــي تــهــــتـــويــــــك

وأســـمــك الـــي لا نـــطـــقــــتـــه أحــــس كـــنـــه شـــي عـــجــــيــــب

* * *

بــدعـي ربــي فــي غــيــابــك يــحــفـضـك ولـحـبـاب قـلبـك يـخــلـيــــك

ويــهـــديــــك قـــلـــبٍ يـــــالـــغـــلا مـــاااســــكــــنــه غــــيــــرك قــــــريــــــب

* * *

[نجديه]

خمس الحواس سايلني عنك وقلبي فيه جرحين
جرح التجافي والتجني وجرح سكن في قلبي سنين
وكل مانسيت يذكرني الشم والتفكير والعين وإحساس قلبي
لك عني ويحير دمي في الشرايين
إن كان قصدك تمتحني اترى حياتي بين قوسين
صنت الليالي واغدرني والحين وين أنته وانا وين ؟

[نجديه]

شبيه الريح
عبدالرحمن بن مساعد

شبيه الريح
وش باقي من الآلام
والتجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
واوقد شمعتي في الريح
شبيه الريح
اذا تسمح بغيب شوي
ابجمع همي الباقي
وادفن صبري الذابل في أوراقي
و برجع لك اذا باقي بنفسك شي

شبيه الريح
أنا مقدر أكدر صفوك العاصف
شبيه الريح
أنا من لي سوى إحساسك الجارف
بقايا زيف أشواقي
سما أمطار أحداقي
شبيه الريح وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
وابي أعرف
متى تعصف
متى تعطف
متى تنزف جراحك
وابي أعرف
إذا باقي في بحرك موج اكسر فيه مجدافي
وابي أعرف
إذا باقي في همك هم ماشالته أكتافي
وابي أعرف
إذا باقي في هالدنيا حزن مامرني واستوطن أطرافي
وابي أعرف
إذا باقي من المعجز في هالدنيا
سوى العنقاء
والا الغول
والا خلك الوافي
بقايا زيف أشواقي
سما أمطار أحداقي
شبيه الريح وش باقي ؟!

سنيني يم
وقلبي المركب المتعب وانت الريح
مجاديفي عذاب وهم
وزادي الوجد والتبريح
وصبري صبر بحّارة
بغوا في اليم محّارة
غشاهم موج كان من الغضب أغضب
وكانوا للهلاك أقرب
لولا كثروا التسبيح
شبيه الريح
حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب وشعور وعاطفة
تعبت أجمع ألم كل الموادع
في المواني وأحضن أطيافك
تعبت السهد في ليل الشوارع
والثواني تنطر انصافك
تعبت الظلم واجحافك
شبيه الريح
أنا ودي أكدر صفوك العاصف
شبيه الريح
أنا كني نسيت إحساسك الجارف
بقايا زيف أشواقي
سما أمطار أحداقي
شبيه الريح
كيف أسألك : وش باقي ؟
وأنا الباقي من إحساسي
ذرته الريح

[بروق السحايب]

ردني في قلبگ ، وهذا .. مگآني

من عرفتگ وإنت گل إللي بغيته !!


لآ تعودني على ألصده ..

ترآني من تعمدني بـ نسيآنه [ نسيته ]

[ذكريات]

أنثى
في أنثى
متيمة
أغتسل بأنوثتي
جمرة مبللة
صائبة تعبد كوكبها
أصابعي حبر
خصري لفاف ورق
وفي مضيت
مقتبس ...مما راق اهداؤه

[بروق السحايب]

أذواق راااقية جدا

وانتقاءات لامست الوجدان

كل شكري

وصادق ودي لكل من مر هنا

أمتعنا بذائقته


.

.

[بروق السحايب]

سولف حبيبي صارحني قولي وش اللي على بالك
اآشوف منت على بعضك في خاطرك شي بتقوله .

صراحتك ما تزعلني فضـــفض ولك قلــبي لحـــالك
سولــف تــكـلـم و سـمعـنـي لا تخفي اسرار مجهولة .

مــــعقــول منت بفاهـمنـي والبـووح والصمت نادالك
لــو قـلـت منت بعاذرنـي ولا كل الاعذاار مــقـبــولة .

بـــودعـك وإنت وادـعني لـكـن طـمـنـي عـن أاحووالك
الله يـسـمـحـلـك دروبـك وارزااق الايــام مـكـفـولـــة .

سولف ياقلبي وصارحني قلي وش اللي على بالك
اشوف منت على بعضـك في خاطـرك شـي بتقوله .

[محمد الفرحان]

.

.

أحيان أفكّر فيـك واحتـار فينـي =واقول في بالي وش اللـي تغيّـر

إنته مثل ما انتـه فـؤادك يبينـي = وآنا مثـل مانـا بحبّـك مسيّـر

طيّب !! وش اللي مبعدك ما تجيني = يعني ضروري أحترق واتحيّر ؟!!

قـرّب واذا ودّك بسكنْـك عينـي = واذا تبي أكثـر .. تعـال وتخيّـر


للصديق المبدع
محمد حزام

[بروق السحايب]

يـا دمـوع الحـزن مـن عيـن ٍ يلازمـهـا بـريـق
الدُّعـا غيـث ٍ يطفّـي الـنـار لــو هــب الهـبـوب


والفـرج بالصبـر مـا هـو بالتسـخـط والنعـيـق
والأمــل بـاقـي مــدام الــدم يـجـري بالـقـلـوب


والنَّفَـس لامـن خـرج لابـد مــن بـعـده شهـيـق
أسـأل الرحمـن تفـريـج المصـايـب والـكـروب



لمحمد الفرحان سمي فرحان منابع

[ذكرى للأبد]

غريبْ واللّه يا حبيبي هوانا
نستعذب الأشواق ما نطفي الشّوقْ

شوقي وشوقك هايمٍ في سمانا
في ناظري حيره وفي ناظرك موقْ

نطرد سرابٍ في صحاري ظمانا
لا فيه ميرادٍ ولا حاصلٍ ذوقْ

يومٍ يبعّدنا ويومٍ دعانا
ويومٍ يلبّسْنا خيال الهوَى طوقْ

طيفٍ يرغّبنا وطيفٍ نهانا
فوق الثَّرَى نمشي وحلم الهوَى فوقْ

خيالنا من كل نبعٍ سقانا
وايّامنا تسُوق عبْراتنا سوقْ

ميعادنا عنْد التّمنّي نسانا
وظروفنا تَزرعْ علَى دربنا عوقْ

للأمير/خالد الفيصل