ღ أمّـا (وَلــــد) ولاّ (بنيـّـه) صغيــره ღ

[بسـام بن عبدالعزيـز]

بسم الله

لا أجيد كتابة المقدمات !

خصوصاً عندما يكون للواقع ( المُـرّ ) حضور فيما أود أن أضعه أمامكـم

وأدري بعد لا مَدّ طفلٍ بيمناه=على عباتك وسط سوقٍ وجيره
قلبك خفق ترجين من فمه ماماه=يقفي وعينك تزهمه تستجيره

.

قصيدة بين قلبيـن .. قصيـدة تحاكي واقعنـا

وتلامس أحداثها مشاعـر الكثيرين ..

.

لن أطيــل

فقط بـ قلوبكـم عانقوهـا

.
.

كِفّي دموعك وإتركيها على الله=وخلّي الحكي لأهل العقول الصغيره
إذا عطانا الله نحمد عطاياه=وإذا حرمنا الله .. نعمه وخيره
صحيح نفسي في صغيرٍ ونرعاه=أمّا ( وَلد ) .. ولاّ ( بنيّه ) صغيره
أدري قليبك يا حبيبة تمنّاه=وأعرف شعورك لا طرولك بسيره
أهل الحكي يا بعد روحي والأفواه=ناسٍ تعيش الجهل تهذي هذيره
وأدري بعد لا مَدّ طفلٍ بيمناه=على عباتك وسط سوقٍ وجيره
قلبك خفق ترجين من فمه ماماه=يقفي وعينك تزهمه تستجيره
ويزيد همّي لا سرى الليل مسراه=إذا نظرتك نايمه كالكسيره
وجدك على شوف الصغيّر ولاماه=وجدٍ يهدّ جبال طيّ وعسيره
لو إن سلمى مرّها منك مرّاه=على آجا تلوي وتبكي مريره
أرجي اللذي ما خاب منهو ترجّاه=ربٍ كريمٍ عالمٍ بالسريره
دامك معي والله مبغاه مبغاه=شيٍّ يكدّر خاطرك ما أثيره
إنتي لي الطفله وإنتي صباياه=وأنا خذيني طفل وإمسي قريره
أغضبت كل الناس شاعر ومعناه=يرضيك لو يغضب قلوب الجزيره
في مجتمعنا شي صعب انتحاشاه=ماهو بدين وسلم عند العشيره
الزوج وأهله لا مضى عام عيباه=قالوا تزوج غيرها لو غريره
نبي نشوف عيالك العمر ما مداه= وأهل المَره من صوبهم في سعيره
يصدّق المسكين وتزيد بلواه=وياخذ عليها في حياته خشيره
يعيش في زهوٍ ويختال ممشاه=ويعذب الثنتين ليل وظهيره
قصده يجيه أولاد أقصى تمنّاه=يسمع مديح العِجز لا راح ديره
ما خاف ربّي في ضعيفات ليلاه=عاشَن على كيفه بحسبه وغيره
أم الولد يمكن تناديه بابناه=وهذيك تبقى (شي) فيده مصيره
إما تعيش الذلّ ولا تحرّاه=ولاّ يطلّقها وتهجر سريره
ولأهلها ترجع وتلقى معاناه=أقلها نظرات شك ونذيره
إذا بغت تطلع على بابك الله=الكل يرفض رايها ما يعيره
ما عندها محرم ولا بيت تلقاه=وإثباتها أوراق تلزم حضيره
بالمجتمع تصبح ضحيّة حكاياه=مطلّقه تهمه وتصبح جريره
كِفّي دموعك .. واتركيها على الله=وخَلّي الحكي لأهل العقول الصغيره

.

.

تحتفظ منتديات منابع الأدبية بإسم الشاعر وذلك تلبيةً لطلبـه

(هذه القصيده تنشر حصرياً في منتديات منابع كإهداء مُعبّر من الشاعر)




لكـم الـودّ

[وعد الشقا]

بسام

تشكر يا الغالي على النقل

وبلغ صاحبها


ابدعت ثم ابدعت


كل التقدير والاحترام لك
وكل الشكر لكاتبها

[خالد ماطر]

ابوغلا لا هنت على النقل

ورزق الله صاحبها وأهله من الخير كله والذريه الصالحه

انه ولي ذلك والقادر عليه وهو الرزاق الكريم


ودمتم بالف خير

[مشاعل ابراهيم]

أخي بســـــام عبدالعزيز





ألف شكر لك على هذا النقل الراقي






ولا تحرمنا من مواضيعك الرائعه والمميزة





دمت بألف خير

[بروق السحايب]

[move=up]« و الباقيات الصالحات خير عند ربك ثوابا و خير أملا »[/move]




أسأل الله أن يرزقهما الذرية الصالحة




الأخ بسام لك كل الشكر لنقلك هذه القصيدة المؤثرة

[لون الثلج]

:

الله يرزقهم بالذريه الصالحه ..ويووفقهم ان شاءالله

بســام بن عبد العزيز

يعطيك العافيه على النقل الراائع

أحترامي لك

.

[مزون المحمد]

موجعة .. مؤلمة .. تذكرت من هم حولي ممن لم يرزقوا بإطفال


لا أوصيهم إلا بدعاء موسى عليه السلام

(رب إني لما أنزلت إلي من خير فقير)

وعسى أن يكتب الله له و لهم الذرية الصالحة


بسام


نثمن لك هذه الأسبقية ..

ونشكر لك تواجد هذا الحرف المميز في منابعنا

صح الله لسان شاعرها

شاعر مميز بروعة المشاعر هذه


لاهنت على النقل

[محمد الفرحان]

.

.


بلامجاملة :


نحن أمام شاعر يجيد سبك وحبك


القوافي ولديه القدرة على التأثير


في المتلقي بـ :

عذوبته وحكمته وعقليته الرزينه

نشكره من الاعماق على تخصيصنا

بهذه الحزينة / المؤثرة / المبكية ونتمنى

ان نراه هنا في منابع الأدبية يشاركنا

العزف والنزف بإسمه الصريح وشاعريته

التي لايمكن حجبها . .

شكرا لك اخي العزيز بسـام بن عبدالعزيـز

بحجم مايملكه صاحب القصيدة من شاعرية

ومشاعر إنسانيه وتضل لدي أمنية بالاستمتاع

بشعره عن قرب . . .

لاهنت يابومشعل ودائما الطيب مايجيب

الاالطيب . . . .

.

.

دمت ودام حضورك / نورك

.

.

للجميع فائق تقديري واحترامي

[بسـام بن عبدالعزيـز]

وعد الشقا



حياك الله

ومشكوره على مرورك وتسجيل ردّك

لا خلا ولا عدم



ودّي

[بسـام بن عبدالعزيـز]

خالد ماطر



حياك يالغالي

والله يسمع منك ويرزقهم من خيره

لا عدمت تواصلك



احترامي