المرجيحة

[أكمل صبري]

أخذت تهزه بيديها الصغيرتين :


(( بابا !! أصحى يا بابا !!


نفسي أروح النادي .. عايزه ألعب .. نفسي أركب المراجيح ..


أنت ليه يا بابا ما بتضحكش زي زمان ؟؟))


ساعة واحدة و كان الأب أمام المرجيحة ..


أخذ يدفعها لأعلى و أعلى .. يضحك و يضحك و يضحك .


سعادة أبنته هي الدنيا و ما فيها .


تجمع حوله كل من كان بالمكان .


كلهم كانوا يضحكون على ضحكاته الهيستيرية .


مازال يدفع بالمرجيحة لأعلى .


شعر بيد زوجته تدفعه .. تهزه بعنف .


صرخت به و دمعاتها تسبقها .


((بتعمل أيه ؟؟


ضحكت الناس علينا !!


المرجيحة فاضيه .


قلت لك ألف مرة ::


بنتك ماتت .. ماتت . ))


,,,,,,,
أكمل محمد صبري