بعض الناس ضايع وضايعن جداه

[نديم الليل]

بعض الناس مايدري وش لون يقضي وقته يعني ضايع وضايعن جداه خاصة في هالعطله تلقاه اذا قام من النوم الساعة عشر طعش ونص وخمس واخلاقه مهوب تجارية وبس الا مضروبه بزبيرية قديمة طرفها ممسوح
واذا قام ماله نفس ياكل شي ونفسه في طرف خشته مايبي احد يكلمه والصلاة عاد امرها اعظم يجمع على كيفه الظهر مع العصر مع المغرب على اي مذهب او اي مله ما ادري لكن يصلي وعلى الباب يطلع من البيت ويدور له مطعم وياخذ له ذيك الشاورما اللي مارن عليها الجرذي قبله وماكل منها وتبدا عاد سهرت الباشا مع اصدقاء الدجه والرجه وتمتد السهرة الى ماقبل ارتفاع الشمس قيد رمح<<<<<<( واحد متأثر بوقت صلاة العيد) يعني الين يصبح ويفطر كبدة حمار سودا لاعبين عليه يقولون كبدة حاشي معقوله ياناس كل بوفيه تجيها الصبح يقولك فيه كبده حاشي احسبوا كم عدد البوفيات في مدينتكم وكم يذبح في اليوم من حاشي تلقى ان عدد البوفيات اكثر من ما يذبح من الحشوان (جمع حاشي ) هذا اذا افترضنا ان كل بوفيه بتاخذ كبدة حاشي واحد فقط ادري اني ابعدت عن الموضوع نرجع لصاحبنا بعد مايطلع من البوفية يزين له تكبير الوسادة نفسي اعرف ليش سموها تكبير الوسادة بس الظاهر عشان يتقلب واجد المهم الآدمي ذا كيف عايش حياته بس اكل وضحك ونوم كن اهله مالهم حق عليه يجلس معهم ويشوف وش محتاجين ولا يدور له شغل ينفعه احسن من هالحياة اللي بلا فايدة

بقلم : نديم الليل