قـطـــ قلب السعوديه ــــر

عبدالمولى العمري · 13-03-2008, 02:05 AM

.
.
هذه الأبيات إهداء لكل سعيد بالوفاق بين السعودية وقطر ،،
ولفظة الحجم الواردة في سياق القصيدة هي رمز للمساحة الجغرافية فقط ،،
وإلا فقطر كبيرة بحجم أفعالها وإنجازات رجالها

إلهي ،، لك عظيم الحمد والمنـّه=وهبت النفس قبل العيد عيديّه
خبر فرّح كثير الناس إلاّ انه=أغاض أهل النوايا الغير مبديّه
من ارض المجد والتوحيد والسنّه=تهانينا لكل محب مهديّه
تباشر يالخليج ، وعلّيَ الـدنّه=وموتو غيض ياانصار اليهوديّه
شفي جرح السنين وراحت الونّه=من صدور الحبايب ، للحسوديّه
بفضل معقلين اللي معه جِنّه=مداوين الجروح بروح وديّه
حمد ، ويّا حمد ، واللي مخاونّه=على درب الوفا والطيب مهديّه
تميمي ، والتميمي مابه الظنّه=هو القايد وكل الشعب جنديّه
من الدوحه تحرّك غصن في فنّه=تمايل من هبوب رياح نجديّه
وجا سُلطانها اللي لاضحك سنّه=يوكدها ، ويعلنها بجديّه
قطر منّا جزو ، ونحن بعد منّه=وحنّا اخوه ونتعامل بنديّه
زعلنا صار شي ماضي، ونسينّه=خواطرنا ، وجاي سنين ورديّه
-=-
وانا شاعر سعودي ، والشعر فنّه=واردد حكمتي ، وتخطّها يديّه
قطر فعلاً صغير الحجم ، لكنّه = سواة القلب في جسم السعوديّه

قديم الشوق · 13-03-2008, 02:16 AM

عبدالمولى العمري

صح لسانك وانا اخوك

قصيدة أكثر من رائعة وأكثر من معبرة

وجمع الله قلوب الاخوة العرب والمسلمين على الحب

والسعودية هي قطر وقطر هي السعودية ولا غرابة

( لنا أهل هنا وهناك أهل )

شكرا ً لك من الأعماق على مشاعرك غير المستغربة

وتقبل فائق تقديري واحترامي

أخوك / قديم الشوق

عبدالمولى العمري · 13-03-2008, 02:59 AM

عبدالمولى العمري
صح لسانك وسلم بنانك على هذه القصيدة الرائعه
لا هنت ولا هان حضورك الرائع
تحياتي

فايز بن ماجد · 13-03-2008, 08:47 AM

عبدالمولي العمري

شعور نبيل ورائع

والله يديم المحبة والوئام

صح لسانك

الله يعافيك

تحيتي لك

محمد محفوظ · 13-03-2008, 12:51 PM

لآ فض فووكـ عبد المولي

قصيدة جميلة وآحساس آجمل وسطور رائعة خاطبت الصمت وتحدثت

لآ عدمنا توآجدكـ وحضوركـ الرآئع ولا تحرمنا من جديدك

دمت ودآم نبض قلمكـ