الصورة العذرا

[عادل الظفيري]

المشاركة الأصلية كتبت بواسطة مزون المحمد

جديدي لكم :)

بقت لك صورةٍ عذرا تحجّب في خدر عيني = تكسّر لي مـرايا الدار وتعكس لي مية صوره
أشح بنظرتي عنهن لو ان الصوت داعيني = اخـاف تشوفها ساره تسـولف بي على نوره
عسى الله لايبيح الدمع به زادت طـواعيني = وقـف حكي البني ساعة يلف وياخذ الدوره
رسمت الكحل بعيوني لقيت الهم راعـيني = نظرت لصورتك فيها وسـال الدمع من جوره
ندهت بظلمة جفوني (مزون الدمع) طيعيني = دخـيـلك لاتخلـيني بقـايا حـب منثـوره
تنادي بسمة شفـاتي:دخيل الدمع بيـعيني = أمـانة لاتهـزين الغـلا من عالي قصـوره
كفاني حلمي اللي كل ما أغفي يوعيني = على حضن الهدوم وريح دخانه .. على عطوره
كفاني كل ما قرّب شبر قرّبت باعيني = وليا مس الدمع خدي يقول الأرض ممطوره؟
كفى عين المزون اليوم تمد الصاع صاعيني = حنين وشوق يسكن في حنايا قلب عصفوره
وكفاه إن جاني (اركض له وأفتح له ذراعيني) = اضيع ان شفته بعيني.. واجي طفله ومغروره

وسلامة قلوبكم

مزون المحمد

كلما قرأت لك

إزددت حبا بشاعريتك

مفعمة الإحساس

وصادقة الشعور

تأتين بعد الغياب بكل جميل

غذا أنت مصدر للجمال الأدبي

متابع لك أينما قرأت لك