الـحـــب الأبـــدي ..

[شيمة]

.
.



لاتلومني لي تمردت

ولي بكيت
وفي عطر خوفك
لي ينضحه جسمك
بقلبي تقلبت








لاتلومني
لعينك وحدك
انته
انا
تمردت
تمردت لغلاك
تمردت لبهاك
لروحي اللي شدتني
غصب لحشاك



تمردت لطيبك

عشان اكون بروحي ووحدي حبيبك
تامرني والبي
تطلبني وأعصي
كله لأني أحب لدلالك أتمرد
وبعذوبتك من دون النساء أتفرد



أغزلك خيوط ذهب لجديلي
وتنقضه وقت نومك
وتنادي
بالله به عليّه ميلي
وعلى شانك أنثره
مع شوقي على صدرك أبعثره

لالا

لاتلمه بدري
سولف له
وغني / و له
وبوجده لحنانك
حيل أسهره..



ولي أصبح الصباح
وذقت عذوبة الجراح
قول زيدي تمرد
قلبي من الغلا مابعد استراح



متمردة
متفردة
بين العذارى
قلبك وحدي
في أنحاء جسمي أشرده



عرفت الحين ليش أنا متمردة ؟؟؟؟