ممنوع دخول الللي اقل من 18 سنه<<وربع سبيستون لا يوطوطون‎

[العف الخجول]

هذا الزمن الأقشر اللي عشناه فيما مضى






عصر ماقبل البطاره <<< البطاره تعي البطره والعز والفشخره = ... عصر الورعنه




أعتقد كل شخص فوق الـ 18مر على هذا العصر الأغبر .. واللي مامر على هالعصر لايكمل يقراء الموضوع علشان برستيجنا مايهتز





هالزمان راح أقسمه لأيااااام .. علشان تعيشو الجو





أياااااام الكشخه




الكشخه فينا تلبس الطوق والبكله والشراب القصير أبو كشكش وحاطه من الروج الأخضر السحري <<<<"اللي بعد خمس دقايق يقلب أحمر .. كأنها مصاصه دماء .. "<<<< ماعاد الشكل يصير برئ هي وذا الروج




واللي تلبس الفستان المكسره "((اللي من تحت مليان جيبون))" اللي حزام الفستان يسحبل بالشوارع وله كتافات أسفنجيه <<عاليه الجوده



وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم





...اياااااام بقاله أبو سعيد...





الوحده منا تركض للبقاله بقميصها القطن <<<"اللي شاريته لها أمها من البياعه اللي تجي عند بابهم " تشتري ببسي أبو كيس <-- بنص ريال .. وتشتري معه البسكوت الأخضر اللي بالموز <-- يالله كرم النعمه




ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي يتقاسمونه ورعان البيت كلهم ...ويحظها لو صارت العلبه لها لحالها يقعد ثلاث ايام بالثلاجه وهي تلط منه





...أياااااام التصرفات الهمجيه ...




حدث ولاحرج .. مدري عاد هالتصرفات توارثتها الأجيال ولا لا




بقلوب صافيه كنا نزعل ونرضى من اللي زعلنا بسرعه بس شرط أساسي أصبعه الخنصر لازم يتصالح مع أصبعي أنا <--




لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل وبعدين مردغ فيها حلقك .. <<< بعدها تصير صادق




أما اللي بيعلم أنه كذوووب يمد لسانه ويطير لسانه بأصبعه <--- ماأعتقد اني وفقت بهالشرح





...أياااااام التلفزيون السعودي...




طوووووووووووووووووط طططووط <-- فجرت أذانيكم صح ... والشاشه الملونه ... ولا ترن تن تررررن ترررن <-- هذي النغمه لمى يحطون شاشه الساعه .. ومن تجي عشر .. يبدا القران وبعده أفلام كرتونهم الماصخه





أنا أذكر بشار اللي ضيع أمه والدببه اللي بمدينه النخيل وحبيب قلبي الليث الأبيض <-- ماني بصاحيه كنت أحب الحيوانات مو الأوادم .. بس تطورت وحبيت ليدي وسارت ليدي وبعدها روبن هود وزورو وهايدي وسالي ..<<<< هذا التطور يمكن على اخر ايام الأبتدائي




وصرت أتابع أفتح ياسمم .. وبدر وأنيس .. <<<ياحبي لهم




<-- الحمد لله والشكر من بعد شخصيات الكرتون .. صرنا نحب أنيس




وبعد هالتطور صرت أتابع برنامج أطفال القصيم وأطفال المدينه وأغانيهم الماصخه




لا والأفلام الهنديه .. اللي كانو يجيبونها على القناة الثانيه




فلم الولد والفيل




وفيه فلم ثاني اللي الحرمه تقطع العقد اللي لابسته عند المعبد <-- يعني طلقت زوجها





وبعد التطور " أمحق " تسنعنا وصرنا نتابع مسلسلات ..."مسلسل عبدالله البحري وعبدالله البري" ..<<<اوه كان احسن مسلسل عندي
"ومسلسل عواد" .. "وصح النوم" .. "وفايز التوش""ومسلسل جواهر .. اللي فيه زوينه وحمد وجواهر "<< ماكنت احب زوينه الشريره






...أيااااام الأناشيد ...




بابا يجي متى
يجي الساعه سته
راكب ولا ماشي
راكب باسكيلته
حمرا ولا بيضا
بيضا زي القشطه




<-- العن ابو المصاله




سويره راحت البر
تجيب العيش الأخضر
واتحطه بالصواني
على جية خوالي
خوالي يا دلالي





...أياااام الدلاخه ...




أنا أشهد اني كنت اكبر دلخه في تاريخنا .. بس الحين يوم كبرت .. أذكى مني مافيه<-- اقول لايكثر






..أياااام المدرسه ..




أول يوم دراسي .. والكرتون الكبير اللي يجيبه ابوي من المكتبه وكلها محتوياته من ذوووقه " درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه<<<< اهم شي المرايه لانها كانت ممنوعه في المدرسه خخخخخخخخ
وأشياء لاتعد ولاتحصى ..
ويجي دور الهجوم على الغنائم <-- أول مره يشوفون شي جديد




لا والسلام الملكي حق المدرسات .. من تدخل المدرسه الكراسي والطاولات يبن ينحاشن من اصوات البنات<<<<<< " شرفتينا ونورتينا ياابله نوره ...... نوره ياعيوني ياللي لابسه اليموني لابسه الساعه اللماعه تسوى كل الجماعه




...أيااااام الممنوعات ...




كان الأتاري من ضمن الممنوعات في بيتنا .. أو بمعنى أصح مايجي من نفسه لازم له طراره من البزارين <<<<< ويعسكرون عند راس ابوي لين ما يوافق علشان يسمح له دخول منزلنا ..




أذكر كل ماقلنا لأبوي نبي أتاري .. قال لنا الأتاري مااسمع له طاري
وبعده العائله ولعبه ماريو
وكان الميك أب عيييييييييييييييييييييييييييييييب




بس أزين شي ان طلعت الشارع عادي <<< اهم شي عندها الشارع




كانت فيه أشياء كثيره ممنوعه بوقتها ... كل ماأذكر أني أصيح لمى يرفضونها أحس ان البرائه بتشقق بعضها




***ملحوووظه***



* واللي مامرت عليه هالأشياء ولا عاصرها .. لايتفلسف هنآأا .. ويطلع برا




* واللي من ربعنا يشارك بذكرياته الماصله معنا





الله على اياااامـ زمااااان والله كااانت حلووووووووووهـ >> اللي يسمعكـ صايره جده

ودوتم سالمين
م-اي

[صـمـ الجروح ــت]

ههههههههههههههههههههههههه

حياتي والله انا من منهم


هههههههههه

ياحلاتها من ايام حتى البرائه فينا موالحين اللهم ياكافي

ياليتنا اطفال مانكبر ابد

[العف الخجول]

ايه والله ياصموت
ايام روعه وشقاوة بجد
بس لازالت معي بعض التعقيدات من الصغر
مثلا حركت الزي الموحد
اكررها دحين صديقاتي يقولو لي نلبس نفس بعض
اقلهم لالا مستحيل مايعجبني ^^
منوره ياقلبي الموضوع

[شمس آلأمل]

لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل وبعدين مردغ فيها حلقك .. <<< بعدها تصير صادق


بكل توتر يقواها من قلب قسم بالله اني صادق
ويلحس صباعه ويحطها برقبته وعليهآ بعد ربي
يعذبني ان كنت كآذب<<طيب أعصآبك
بعدهآ للحين فديتك ^_^
كنت منهم لو آني صآدقه سويتهآ ههههههههه
قسم رجعتينآ لأيآم زمآن <<تلحس آصبآعهآ<<تأكد آنهآ صآدزه
يآآآآه يآزينهآ بس ليت آلطفوله تعود يوميآ,,لأخبرهآ مآفعل آلشبآب<<<لآيكثر

يصلمووو يآعصوووله
قسم آنك آطلز وحده هووني

[العف الخجول]

هههههههههههههههه
عنجد كانت ايام فله
يسلمو ياعمري هذا من ذوقك ياقمر
فديتك ياعمري

[صاحبة الإمتياز]

العف الخجول
شسويتي فيني هاه؟
شسويتي فيني؟
رجعتيني ثمانين سنة ورى خخخخخخ

أذكر أمي و أبوي الله يحفظهم وطبعا لأن كنا صغر يبان علينا إننا كذبنا إذا خربنا شيء ونقول مو حنا بس كانت عندهم حركة يقولون إفتحوا عيونكم بقوة
نقوم نفتحها بقوة ويقعدون يطالعون بعيوننا بعدين يقولون لا إنتوا إلي سويتوا كذا وكذا
طبعا كنا نصدق إنهم يعرفون كل شيء نسويه من خلال عيوننا(*ـ^)

وصديقتي رنا(ميــــــــش) ياكثر مشاكلي معها وحنا صغارمشاكلنا ما تخلص
كان قدام بيوتنا حديقة فيها مراجيح
وكان فيها دوار له أربع مقاعد وكل مقعد لون
وبما أننا كنا نحب اللون الأزرق لأنه لون الهلال(^ـ^)
نتماسك باللشعور كل وحدة فينا شادة شعر الثانية وصياح وصراخ
مع إن المقاعد الباقية فاضية خخخخ(الحمد الله والشكر)

ونرجع نتصاحب عشان نلعب (حبشة أو عنبر أو ثلج موية أو واحد طش)
وبوسط اللعبة نتزاعل ونتماسك مرة ثانية ضرب وبكي
صدق مشاكلنا ماكانت تخلص بس ماكنت أرضى عليها إن أحد يزعلها
وهي بعد نفس الشيء

رنا من عرفتها وكنا في ثاني إبتدائي أصبحت من أغلى الناس عندي
و انا أغلى الناس عندها

العف على فكرة انا بعد من ربع سبيس تون (*ــ*)

صاحبة الإمتياز

[صـدى الذكرى]

المشاركة الأصلية كتبت بواسطة العف الخجول

بس أزين شي ان طلعت الشارع عادي <<< اهم شي عندها الشارع

يووووووووه ذكرتيني بلذي مضي يالعف الخجول

مايردنا الا الحاره الثانيه او الثالثه وان ضيعنا الشرطه
تقوم بالواجب وتستضيفنا عندهم
وهات ضيافه عصيرات وبساكيت وحلويات

وتعجبنا حركه الضيافه وننكررها

ولا بشار وامه
مشكوره علي الموضوع الممتع يعطيكي الف عافيه

[رفا الود]

ههههههههه


اما حركة تطقيم اللبس من جد غبـــــــــــــاء

انا اللحين أكرهـ الأم إلي طقم بالبزارنها
أحسها قديمة مرررة

يسلموو العف غيرتي لي جوووي

[عناوين الدمـوع]

يازينها ذيك الايام كان كل شي له طعم ونكهه خاصة

تسلمين يالغلا على هالذكريات الجميله.

[العف الخجول]

يسلموووووو ع المرور