الورد في غارب الفيـل !!!

[عادل السلطان]

الجرح ينـزف والقهـر زوّد الكيـل
والراس قاسي والزمن صار قاسـي
والناس ماتدري عن العـدل والميـل
والوقت حوّل حّرتـه فـوق راسـي
وين انت ياراع العيـون المضاليـل
حتى تشوف اللي حصل من مآآسـي
بعدك تهـل دمـوع عينـي هماليـل
حزين وانتـه مبتعـد مـا تواسـي
حسبي على من حرّق البـن والهيـل
وحسبي على من شال وردي وكاسي
ياكثر ماشكي من همـوم وغرابيـل
من يوم زرع الحب صابـه يباسـي
غنّت لـي همومـي مواويـل ياليـل
وحرمت عيني من مواجـه نعاسـي
اناشهـد ان الحـب كلّـه بهـاذيـل
مهما ارتفـع لازم يجيـه انتكاسـي
واناهويتـك ياتلـع العنـق بالحيـل
واصبحت عشقي بين ربعي وناسـي
حبك هدف مرماي ياغلا المحاصيـل
وشوفك لعيني بالهوى شرط اساسـي
يامرحبا وان جيت ترحيبـة السيـل
ترحيبـةٍ تجـل التعـب والعماسـي
إقـلـط بقـلـبٍ بالعطاماهوبخـيـل
قلبٍ ماهو لـو طـوّل البعـد ناسـي
قلبٍ علـى طاريـك بعروقـه يميـل
حبـك رسابـه كالجبـال الرواسـي
ماطاع فـي حبـك كـلام العواذيـل
ولاراوده لـو طـوّل البعـد ياسـي
يغليـك ويـردد علـى الله تساهيـل
وموضوعنا ماصـار فيـه اللتباسـي
ولاراغ عن وعـده ولالـه تحاييـل
والمسألـه ماهيـب لعبـة كراسـي
غالـي وحبـك زاد فـوق المعاديـل
وإن جيت ابآقف يندفع بي حماسـي
حسبي على من سبب الحط والشيـل
اللي تخبـط مـا يعـرف المقاسـي
اللي تدخـل بيننـا واسـرج الخيـل
وحط المسير العدل مثـل السداسـي
واعاد من كثر القهـر كذبـة ابريـل
وفجـر مسامعنـا بكثـر الحساسـي
مايدري ان الحـب ماهـوب اقاويـل
الحب لاهل الحـب بحـر ومراسـي
الحـب ذللـنـا وحـنّـا رجاجـيـل
له تخضـع العالـم بوقـتٍ قياسـي
حبٍ صخرني لك وصرت اعشقك حيل
حتى انكسر بيديك جهـدي وباسـي
ياماتحديـت وشـربـت الفناجـيـل
وياما ثبت في وجه الاحداث ساسـي
ويامازرعت الورد في غارب الفيـل
ودست الصعيد اللي قبل مـا يداسـي
واليوم بـدّل حالـي الحـب تبديـل
لين انكسرت لحكمتك وانـت قاسـي


/

\

هلا وغلا ياشاعر الوفاء

صح لسانك ياعبدالعزيز وسلمت

سبق لي مصافحتها في اصايل وفي كذا مواقع

طفشت منها ... هات غيرها :)

يااخي انت مانـمـل من شعرك والله

تقديري لك