ياكليب شب النار ياكليب شبه

[عبدالله العصيمي]

ياكليب شب النار ياكليب شبه
عليك شبة والحطب لك يجابـي

هذه قصة للضلماوي والكثير الكثير يعرف هذا البيت ولاكن يجهل قائله

كما يجل مناسبة هذا البيت

امل ان افيدكم بسرد هذه القصه


ففي وقت الامير محمد العبدالله الرشيد ذاع صيت / دغيم الضلماوي

الشلاقي الشمري ذاع صيته بالكرم وخاصة القهوة وقال هذه القصيده

ياكليب شب النار ياكليب شبه =عليك شبة والحطب لك يجابـي
وعلي أنا ياكليب هيله وحبه = وعليك تقليـط الـدلال العذابـي
وادغث لها ياكليب من سمر جبه = وشبة الي منه غفى كل هابـي
باغي ليا شبيتها ثـم قبـة = تجلـب لنـا ربعـا سـراة غيابـي
بنسريةً ياكليب صلفا مهبه = لاهـب نسناسـه تقـل سـم دابـي
سراة بليـل وناطحيـن مهبـه = متكنفيـن وشوقهـم بالعذابـي
الوالمة ياكليب عجل بصبه = والرزق عند اللي ينشى السحابـي
صبة لقرما صرفته ماحسبه = يوم البخيل مكنهب الوجـة هابـي
وصبة لمنعورين ليا جاة نبة = يرخص بعمره والدخل لها ضبابي
وعدة عن اللي مايداري المسبه = اللي يدور بالقصيـر الغيابـي
عن الطيب عده نازلا له بغبه = يضرب علي درب الخطا مايهابي
لا باطن الهلباج خطوا الجلبة =يا حلو خبط عصيهـم بالركابـي
أطمر لهم وأبدي سلام المحبه = لا جو على هجناً يديهم خرابـي
سلام أخلى من شخاليل جبه = وأحلى من السمن الجديد العرابي
مع كبشً مصلاح راسه نجبه = لا أدبـر الهيـن متيـن العلابـي
خطو الولد يوم الملاقي نكبه = يأتي علينا من حسـاب الزهابـي
وحتى يش لو يلبس وبينن وجبه = معيرة على غضير الشبابـي
أنا لقيت الصبر يازين غبه = يرقيك رؤوس مشمرخات الهضابي
من لاصبر ياكليب في حكم ربه = هذاك يوم البعث ماله ثوابـي
يقولها اللي ما حسب المسبه = ولا عرقل الاجواد ببعض الهلابي
هذا هوى بالي وهذا مطبه = من قبـل مايسفـح علينـا الترابـي

سمع الامير محمد العبدالله الرشيد بكرم الضلماوي واراد ان يختبره في هذا البيت

الوالمه يا كليب عجل بصبه = والرزق عند اللي نشى السحابي

وفي احد الليالي قال الامير لبعض من رفقائه ( ترانا نبي نسير ) ولم يخبرهم اي وجهته حتى اناخ ابله عند الضلماوي


وقال الامير محمد
:-
(ما تقولي يالضلماوي وش عندك به يوم انك تقوصد يا )

كليب يا كليب . فعرف الضلماوي ان الامير زعلان فقبلة وقام ومد يده

للامير وقاله :-

مده رهن لولاك ماقلـت ياكليـب = ولا قلت شب النار وصر موقدا له
في ليلة تجدع سـواة المشاهيـب = نسريـة تلصـق خليـل لخلـه
نطعن بعزك ياحصان الاطاليـب = عسى الله جمع حزمتك ما يفلـه
يالجوهر الناريز يالمسك يالطيـب = يا عنبـرا مـن جربـه مايملـه
تكفي محاليـب وتملـى مجاليـب = وكبـد تيبسهـا وكبـدا تبـلـه
ياطير شلوى مالقي بك عذاريـب = لو تستحتي ما تجمع الطيب كلـه
يا بو اليتامى والارامل ومن عيب = وأبوا لمن صار العصى ثالث له
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريـب = سامح عسى اللي عقبك بألف حله
مده رهن لولاك ماقلـت ياكليـب = ولا قلت شب النار وصر موقدا له
في ليلة تجدع سـواة المشاهيـب = نسريـة تلصـق خليـل لخلـه
نطعن بعزك ياحصان الاطاليـب = عسى الله جمع حزمتك ما يفلـه
يالجوهر الناريز يالمسك يالطيـب = يا عنبـرا مـن جربـه مايملـه
تكفي محاليـب وتملـى مجاليـب = وكبـد تيبسهـا وكبـدا تبـلـه
ياطير شلوى مالقي بك عذاريـب = لو تستحتي ما تجمع الطيب كلـه
يا بو اليتامى والارامل ومن عيب = وأبوا لمن صار العصى ثالث له
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريـب = سامح عسى اللي عقبك بألف حله

وعقبة قال الامير محمد العبدالله يالضلماوي قال نعم
قال والله ماتشريه غير ماشريته مدام ان حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون يبني بيته بشعيب ابو جرف اللي جنوب عيرج اللي هو الشارع الجنوبي الان لثانوية حائل