_+/.. (( زيـــف وخـــــداع )) ..\+_ مصافحة أولى

[محمد الفرحان]

الخـوّه اللي كلها زيف وخداع=عيب ٍ على الرجال يطرد وراها
والخـوّه اللي تجعلك بأسفل القاع=خلك بعيد ولاتجي مستواها
هذي نصيحة واحد ٍ ماله أطماع=ونظرة عيونه مبعد ٍ في مداها
أنشد مجرب عن دوا بعض الأوجاع=يعرف مرض بعض النفوس ودواها
اللي ورى كثر الاقاويل منصاع=لاعاد تنشد هرجته وش وراها
لاجات له صاعين يكيلها صاع=يدمج مرارة هرجته في حلاها
يشبع من اعراض الاوادم ليا جاع=مبلي ونفسه زايد ٍ في بلاها
واللي ورى عيوب المخاليق تباع=وعيوب نفسه ياكثر مانساها
بيته قزاز ويحذف الناس باذراع=وبكره عليه الناس تحذف حصاها
واللي معك في خوته دوم طماع=خوة مصالح واضح ٍ مبتغاها
لأحتاجلك يبديلك الطيب بأنواع=ويبعد عنك لو حاجته ماقضاها
مادام خوتهم على زيف وخداع=خوة هذولي يافهد مانباها
الله ولاخوة رديين الاطباع=اللي فعايلها تدنس لحاها

.

.


الشاعر الرائع

نايف المحينيش

.

.

اهلا وسهلا بك في منابع الشعر والأدب وكلنا سعاده

بتواجد هذا الاسم بيننا وعسى ان تجد لدينا مايكون

دافعا" لك لتقديم الجديد والمميز وكل ماهو معهود

منك ويكون سببا" في طيب وطول اقامتك بيننا .

والشكر كل الشكر على تشريفي بقبول دعوتي

والتواجد في هذا المنتدى الذي بفخر بمعانقة

ابداعات اللمميزين امثالك . .

وياهلا بك ومرحبا بين اهلك واخوانك ومكانك العيون

والقلوب قبل المنتدى . . .

.

.

حضرت للترحيب وسيكون لي عودة الى هذه الرائعه

.

.

تقبل فائق تقديري واحترامي