مرثيه

[محمد الفرحان]

من غبار الماضي اللي زاد عقلي انتكاسه=ومن رفات التيه ماض مامضى وقت ونبشته
وذكريات البنج والحادث وايام العفاسه=والحقيقه مذهله والحزن دايم مافقدته
وانقلاب الكابرس ابكت تبوك بكل ناسه=والدماء اللي نثرناها على درب كرهته
اه يالحظات شكوى سطّرت كتب الدراسه=لاتعودي بالتوجد حزني يادوبي حملته
ليه يامفرق ((شواق)) اخذت رغم الحراسه=ليه ماتوا في طريقك وزهرنا اليانع قطعته
ياطريق الموت ياذبّاح يااصل النجاسه=ماهقيتك تاخذ اسماعيل من شعر كتبته
ماهقيتك تاخذ بيحيى الى ظلم الرماسه=كانوا اقرب من عيوني وقلبهم حب وملكته
احتواوني في ظلامي وعّلموا حظي الكياسه=عّبروني في علومي ودمعي الظاهر سبقته
ياليالي جمعتنا من رياضه او سياسه=كيفّ اعوّضها وحزني في احاسيسي سكبته
يا((ياضبا)) ياقصه الاشعار واخبار الحماسه=يابحر طاغي يناجي دمنا اللي قد نزفته
ارمي احزاني وخلي هامتي ترثي اساسه=ارحميهم ياجبال اللوز ياحلم نسجته
والله ميّت من غياب الصحب ياشين التباسه=راحوا بلا امتعه وخلوا زوّادي اللي جلبته
صحت يا((يايحيى)) ترفق والنفس ضاق انتفاسه=لاتموت ارجوك لاترحل ترى عمري رهنته
وانت يا((اسماعيل)) لاتبطي وعّود للرئاسه=ارجع لفن المقاله والشعر قصر وسكنته
ردّ يا((اسماعيل)) احكي لاتّزودني نحاسه=البصر شاخص عرفّتك ميت ويحيى لحقته
الله يرحمهم مثال السلم واضداد الشراسه=ويسكن ارواح طهوره جنه المولى وعدته

.

.


سأعود يامبدع