هموم وغرابيل

عبدالله العصيمي · 13-01-2006, 02:22 AM

اخواني واخواتي

مسجاله متواضعه بيني وبين الحب وكنت انا البادئ

ولم اكن اقصد مجاراته لكن المعنى اجبره على ان يجاريني

عندي خبر ومثبته بالادله = ما من ورى طرد المحبه محاصيل
همٍ على همٍ وغم ومذله = كله على بعضه هموم وغرابيل

لا يالعصيمي لايجي منك زله = انتم بليتوني بكثر التهاويل
هات الادله واكثر الهرج خله = وحنا نحللها عن القال والقيل

لاتنكر انك مبتل الشعب كله = كلن يغني بالهوى ليل ياليل
منهم كتم بالسر وجدٍ حصل له = ومنهم يصوغ الحب شعر ومواويل

ماكل من غنا بطرق و ( شله ) = يقال له عاشق جرا له بهاذيل
لوخصصوا له صفحة بالمجله = لو كان شاعر بالهوا يشرب النيل

اقرى وتلقى وسط ذيك السجله = موت الدجيما عقب ماصابه الويل
وابن الملوح صايرٍ فيه خله = وعنتر على عبله دموعه هماليل

الحب قرب قلب خلٍ لخله = ماهوب من قسى قلوب الرياجيل
ادري عن الهجران والبعد عله = والفرق واضح لاتزيد الاقاويل

لولاك ماذقنا فراق الاخله = ولولا غلاهم ماسهرنا مع سهيل
وهذي دموعي للغلا مستهله = بانت وكثرتوا علينا العواذيل

كل من يسب الحب بالله ... قله = اترك طريق الحب مادام بك حيل
لاتحرق اعصابك ترى الحب ( مله ) = تحرق قدم من داسها دون تحليل

لو كنت رجالٍ وواضح محله = والا اشوفك شوف بين الازاويل
والله لا اغتالك واجري على الله = واقتص حقي منك وادبل لك الكيل

ما انته بمستغني عن الحب لله = لاني شربتك شرب صاف الفناجيل
وعندي خبر ومثبته بالاداله = يذوب قلبك فالعيون المضاليل

اخوكم /عبدالله العصيمي

ღنـــُــوٍْفٌღ · 13-01-2006, 02:33 AM

نبض ..

برائحة الشعر الراقي ج ـداً
:
:
"عبدالله العصيمي"
/
\
/
"
و ح ـضور لشع ـر

بأبها صوره ....

"

سعد بن مسهوج · 13-01-2006, 06:13 AM

الله الله

صح لسانك يالذيب

رائعه بروعتك

سجل اعجابي

اخوك سعد

محمد المتحمي · 13-01-2006, 03:32 PM

الاخ العزيز عبد الله العصيمي

صح لسانك00وجاد بيانك

على هذه المقاطع الجميله بين احاسيسك التي ترجمة لنا هذا الصوت والصدى

تسلم وفقك الله وكل عام وانت بخير

تحياتي واعجابي

اخوك0 محمد المتحمي

ونين · 13-01-2006, 07:07 PM

اخي عبدالله العصيمي

صح لسانك و سلم بنانك

قصيدة ولا اروع من شاعر بروعتك

تقبل تحياتي

اختك ونين

سعود بادي · 13-01-2006, 08:00 PM

.
.
عبدالله العصيمي
سلمت على هذا التواجد والروعه
حضووور جميل وشاااعر راقي
ابدعت واجدت
الف صح لسانك
.
.
.

إنكسارات النخيل · 13-01-2006, 08:41 PM

عبدالله العصيمي

التميز والابداع

دائما نجدهما

بنزفك الراقي

لاهنت سيدي الفاضل

محمد آل مبارك · 13-01-2006, 10:19 PM

الأخ الغالي

عبد الله العصيمي

دوما ارى الإبداع
في تواجدك

فانت شمس
ان لم تشرق يوما
يدوم بنا الظلام

محمد آل مبارك
بو فواز

أحمد الجعيد · 14-01-2006, 12:10 AM

.
.

ساحة..
من..الإمتااع

.
.

زيد العتيبي · 14-01-2006, 01:29 AM

0

0

ممكلة

من الجمااااال

0

0

لوحة التميّز الشهري (قريباً)

قريبا	قريبا	قريبا	قريبا	قريبا

الذين يشاهدون محتوى الموضوع الآن : 1 ( الأعضاء 0 والزوار 1)