في خاطري 1ضيقة 2 هم 3 هواجيس

[نايف المقاطي]

الأخوة والأخوات في منابع الأدبية


آخر فوح الهواجيس

اتمنى ان يرقى الى الذائقه

في خاطري ضيقة وهم وهواجيس=لو تنكتب في طرس رَوّح دشاشي
اليا انتصف ليلي تجيني مراويس=مثل المزون اللي تهل الرشاشي
ان جيت اصك ابوابها بالمتاريس=زادت علي ولا يفيد التلاشي
وان سبتها تشتب كل الحواسيس=مافيّ عرق الا بهمه يشاشي
ماغير اسايسها بحكمة وتسييس=واهدي نقاشي ليا جاش جاشي
وانا دموعي في عيوني محابيس=مادونها لو زاد معها نقاشي
في كل ليلة ينولد همٍ مديس=اثر الليالي من همومي حواشي
شيٍ على ماقيل فاق المقاييس=صابر وصبري من خوافيه طاشي
افلست منه وصرت ضمن المفاليس=من همي اللي غاش بالحيل غاشي
يالله انا طالبك جنبني ابليس=واسعفني بصبرٍ يزيد انتعاشي
ويالله يافارج هموم المتاعيس=فرج همومي دامة العمر ماشي
وان كان حان الموت وبجوفي مكيس=هذه قضاك ولا يفيد التحاشي

غيمار