,,.. مسّــج .. ع .. منـابع :),,

[فهد الدباسي]

لون الثلج


لايخفى عليك أختي الفاضلة إني سـ أوجه لكِ الشكر على أفكارك الغريبة و اللافتة بـ معنى الكلمة


و لايفوتني أن ألفت النظر إلى أن كلمة (( وه ياملحي )) أصبحت مرتبطة بك حتى لو سمعتها من أمي . .



نروح / نتجه لـ الأسئلة :


- وش هو أقدم مسج عندك ..؟

كل إنسان لاغاب عنا نسيناه
إلا أنت مهما تغيب عن الروح . غالي


- أطـــــــــــــول مسج .....؟

أنا الغريب اللي جميع الناس في الدنيا هله
و برغم هذا خاطره من قرب كل الناس طاب

أبكي على حالي لأني ماقدرت أبكي وله
و أضحك على حالي لأني ماقدرت اضحك إعجاب

مالي شبيه إلا السكوت اللي يثير البلبله
و مالي نقيض إلا الكلام الكذب و الفعل الهباب

بس المهم إني قدرت اضرب لغيري أمثله
وشلون مايرجي ثواب الصدق أو يخشى العقاب

طرد السراب لمن يحبه ماء ماهي مشكله
المشكلة طرد السراب لمن يعرف إنه سراب


- أحلـــــــــــــــى مسج ....؟

شفت الأسير اللي سكن دار الاغراب
و شاف العنا و الظلم و عاش بمذله

مثلي أنا لابعدت عن شوف الأحباب
أبقى حزين و صافي الدمع أهله

ترى ذكرك عن البال ما غاب
و حبك بقلبي ماتغير محله


- مسج له ذكرى بقلبك ..؟

الوفا في غير قلبك مالقيت
و إن مدحتك بالقصايد ماوفيت

اعتذر إن كنت في يوم قسيت
و العذر إن كان صديت أو جفيت

فأنت حد السيف لامني اعتزيت
و أنت أغلى شخص في عمري لقيت



- مسج ما تقدر تمسحه من جهازك ..؟

تقريباً لايوجد



- أبيخ مسج عندك .....؟

أسماء براري لبنان :
تل الزعتر
عين التينه
عين الرمانه
جبل الزيتون
نبع الصفا
إقليم التفاح

أسماء براري القصيم :
نقرة الجن
أم العقارب
أم السعالوه
أم العشر
إذن الحمار
حفرة الدم
أم قبر
:D



- أطرف مسج ..؟

سألوا سوداني : داير تروح وين بعد مماتك الجنة أو النار ؟
قال : القصمان راحوا وين ؟
قالوا له القصمان راحوا النار ..
قال : أنا معاهم لأن الجماعه ديل مايمشوا مكان إلا فيه مكسب ..

لـ المرة الثانية :D


- كم عدد مسجاتك .. ؟ (( بس الوارده ))

أكثر من 500 مسج



- وش آخر مسج أرسلته ..؟

ألو
مساء الخير
الأستاذ جماز ؟
معاك جورج قرداحي من برنامج كيف تخسر المليون ..
فيه معنا صديقك التويجري من هيئة سوق المال
وصل المؤشر معاه 8210 نقطة و بدوا مساعدتك منشان يوصل لـ 5500 نقطة
و معكن 30 ثانية لأـ تجاوبوا على السؤال و هو :
متى يرتد المؤشر ؟
1- في الحلم ؟
2- في البطيخ ؟
3- في المشمش ؟
4- لما يفلس الشعب السعودي ؟



- آخر مسج وصلك ...؟

مايموت الشوق لو قل الوصل
و مايهز الغلا زلزال الظروف

و أنت داري في محبتنا اصل
و لو يطول الصمت لايلحقك خوف

و الغلا بالقلب و الله متصل
ثابت مثل الاصابع بالكفوف



- أختر خمس أعضاء .. وأهديهم مسجات من عندك ..؟

هنا الإحراج

أقسم بـ أن من لهم مكانةٌ عندي هم أضعاف هذا الرقم

أهدي مسجاتي لـ كل أعضاء لـ منابع الوافين




لاهنتي أختي