النزف الأول لي هنا )()( الــظـــالــمــــه )()( اتمنى قبولها

[خالد بن عبدالله]

اول نزف لي هنا
واول حضور شعري

اتمنى ان تتحملوا نزفي
وتتحملوني

في زحمة الأيام جيتي تقولين =يا خالد أرجع لليالي القديمه
يا ظالمه وشلون تبغي تعيدين=ليل ٍ به الأنوار صارت ظليمه
يا ظالمه وشعاد منّي تريدين =روحي تراها اليوم منّك سقيمه
توّك عرفتي زين انّا محقين= وتوّنا عرفنّا زين انّك غشيمه
يكفي طعنتي القلب وشعاد تبغين=يكفي هديتي لي جروح ٍ عظيمه
والله ما عتي على البال تطرين=ومعاد لك يا ظالمة أيّ قيمه
لو يسألوني الناس كيف المحبين؟=لاقول حبك همّ وأكبر جريمه
لو يسألوني كيف تقوى على البين؟=يا ظالمة لاقول بُعدك غنيمه
والله لا اخليك عقبي تونين=والله لا اخلي حياتك عديمه
واجعلك من كاس المراره تذوقين=حتى تشوفي اشلون كنتي لئيمه