احد خربشاتي ((قـــراري))

[العمـــبري]

أحيانا تستلهمنــي الكتابهـ

وهذا ما استلهمتهـ اناملي ليلة البارح

فهــي مجرد خــربشهـ متواضعهـ جدا

اتمنى انها تحضى ولو بالجزء البسيط من إعجابكمـ






هذا قراري

القرار اللي اتخذتهـ ..اني برحل من حياتكـ

وليهـ ما ارحل؟؟

وانا اللي من عرفتكـ .. واحتويتكـ

وصرت عندي .. واسكنت وجدي

بس

بس

بس الظروف اليومـ اصبحت ضدي

والقهر اني انا اللي كنت متحدي

تحديت الظلمـ

الاسى

والسكاكين اللي اطعنتني..

تحديت القهر

الألمـ

والقلوب اللي اجرحتني ..


تحديت الفقر

ضيق البال

والهمومـ اللي اسكنتني..

.......

للأسف بس ماقدرت

كل الدروب اللي امشيتها .. اظلمت

كل البيوت اللي اسكنتها .. اتهدمت

كل ابواب المدينهـ من بيتنا لـ بوابة شيخنا

اتقفلت ..

..................

انت يافلان

انا اللي بسألكـ

ليهـ ما ارحل عن حياتكـ؟؟

ابيكـ تعطيني جواب .. وان ماعرفت

حط عينكـ في عيوني ..

ملامح شوفها مرتسمهـ بـ عيوني ..

طفل مكسوراٍ خاطره

ترتسمـ في طلتهـ ملامح عابره

شفت وشلون هالصور في عيوني

والدموع الحايره !!؟؟

ياهي قويهـ هالمشاعر وسط هالظروف

مكــابــره؟؟

ابيكـ تعذرنـــي ... (حبيبي)

هالقــرار انا اتخذتهـ .. بعد ماحلمي
قتلتهـ ..

وفي وسط صحراء دفنتهـ

ومالي رجعهـ في قراري

آنا مشيته

وباقي من المسافهـ خطوتين

ولكـ مني قبل مـ ارحل كلمتين

ما بقى فـي عالمي إلا الرحيل ..

مابقى فيني اتحمل لا ولا حتى قليل

تدري من آنا؟؟

انا من حملت الضيق وآبو الضيق وأجداده

انا من شربت الهمـ وابن الهمـ واحفاده

انا اللي كل يومـ يموت فيني ألف عظمـ وزياده

بس تأكد

انا ماقلت كل هذا لجل ترأف على حالي

انا بس ابيكـ تعرف

منهو انا؟؟

ومن اكون؟؟

وليش حبيت بجنون؟؟

وابيكـ تعرف

كمـ انا لجلكـ سهرت الليالي

ومن كأسكـ .. ذقت الويل والحالي

ولما تعرف كل هذا بطلبكـ

حاجتين

وإلا تدري...

خليها حاجهـ وحده واللي أكثر
شاغلهـ بالي


إذا ممكن ..

لو سمحت

قبل مارحل ابي روحي تردها لي ..





اتقبل انتقاداتكمـ لي ..