لك الله يابغداد ويش جاك من الاجرام

[عبدالله بن فهد]

السلام عليكم ورحمه الله وبركاته
قصيدة عبدالله مرضي (ابو طلال )
كتبت اصدق ابيات الشعر بأصدق الأقلام=ومحبرتـي أحـداث الليالـي والايامـي
وعلى صدر قافي من ثناء الطيبين أوسام=وعلى محتوى خط أقلمي بصمة إبهامـي
صريح اللسان وما اقبل العيش بالأوهـام=ولا أجامل المتوهـم بعيـش الأوهامـي
أقوله وأنا اللي يأس قلبي غلب الأحـلام=ويركي على شريانـي الميسـم الحامـي
بصالة قدوم أسماء الأماني قضيت أعوام=ورجاي بعضيم الشان ثم مقبـل أعوامـي
هو العالـم اللـي يعلـم بحالـة الأنـام=وهو اللي من افضاله يجودون الأكرامي
ومثلي يلمنـه شكـا الحـزن مـا ينـلام=جرحني سهم الأقدار في جرحي الدامـي
بعد ما اشتكت بغداد للقـدس مـن الآلام=قالت لها اللي جاك ربـع مـن آلامـي
وبعد ماهتك عرض الشرف عابد الأصنام=يجوب المنازل والعـرب شبـه نيامـي
ياغبني وانا ابن العابد الفـارس المقـدام=ويا طيبي ويا قـل المخابيـط بحزامـي
وياكثر المفادي لكن ان للظروف أحكـام=وملامي على من يستحـق انـه يلامـي
وش تفيد عرصتنا تحت رفرفة الأعـلام=اذا ما انقذت الأخوان من حكم ألإعدامـي
عسى الله يقضي للمظاليـم مـن الظـلام=ويفجر غيوض(ن) يرتوي منها الضامـي
لعله يجي مـن يحتـوي لوعـة الأيتـام=ويطفي حرايـق فجعتـك يـأم الايتامـي
ويحرر من ايدين النجاسه بلـد الاسـلام=ويرفع بعون الله علـم عـز الإسلامـي
هذه قصيدتي التي جاريت بها قصيدة ابو طلال
تداعت بنات الفكر للفكـر دون إحجـام=وقامت تزاحم فكـرة الناظـم الزامـي
الى من دعاها داعيٍ جات لـه درهـام=تسابق علىفكري بلا الجـام وخطامـي
وسبب مادعى فكري ولزم عليه لـزام=تماثيل من تـروي ظمـا واردٍ ظامـي
رفيقٍ برع بالشعر وأخذ عليـه اوسـام=خذا في مجال الشعر تيجان ووسامـي
وسبحت بخيالاً مادخل فكـرة الرسـام=وطغى حلمي الواقع على باقي احلامي
تذكرت ويش الي جرى بين حام وسـام=على صفحة التاريخ وامـداد الاقلامـي
هدفهم بعد طمس الحقايق عيون الخـام=ولا نته طرف بالحـل يالعالـم النامـي
لنا عبرة باللي جـرى للبطـل صـدام=على جثته ترقـص زناديـق واقزامـي
لك الله يابغداد ويش جاك مـن لجـرام =تصبر علـى ماقيـل بتـدور الايامـي
تفكـرت بالدنيـا ولا شفـت حـيٍ دام=سوى واحـدٍ معبـود ماعينـه اتنامـي
وفلاح لبنادم كان للبيت حـج وصـام =قبل لايلف الروح في قطعـة الخامـي
سلامي على الشاعر ومسك الكلام اختام= صلاتي على مبعوثنـا سيـد الآنامـي
عبدالله بن فهد