............ كائن ................

[محمدالحويله]

...............................
بسم الله الرحمن الرحيم
اشكر من وجه لي الدعوه وانشاء الله اقدم اللي يحوز على رضاكم ويجملني معكم وافيد واستفيد
انشاء الله تعجبكم

يامهلك شعور الفقير المسيكين=اللي على قلبه تغليك ماين
مالان من صكات الايام والشين=واصبح معك مغضي وراضي ولاين
صحيح مخلوقن من الماء والطين=لكن كاين غير عن كل كاين
لاتقطع امداد الوصل للمحبين=لاصار موعد شوف الأحباب حاين
النبض عادي بس لاشافتك عين=ماتسمع الاصوت رجف المكاين
ياللي عليك مفررق التوت والتين=الين صار بوجنتينك جناين
فارق بزينك عن جميع المزايين=الفرق مابين القرى والمداين
تبي تشوف اللي حوته الشرايين=ادخل وسط جوف المعنى وعاين
غلاك فوق وتحت ويسار ويمين=والله يجازي اللي ليا حب خاين
تعال واصلني على العسر واللين=واصير لك مديون وتصير داين
واخذ معاك ايام وشهور وسنين=واكبر همومي دام انا معك هاين
ومن زين عينك لو ماكان بي زين=لاغبت ثم جيتك تقول انت زاين
وتقول لي طول غيابك وبعدين=وأقول انا مشتاق وتقول باين
هذي طراة العمر بين المحبين=ياللي سكنتو بالقرى والمداين