وفي ليلة / ذات / وصال ...... !! ....... شيخة الشيخات

[شيمة]

	. . تعال يالذيذ الوصال تعال الليلة لك بقلبي شوق غير لك واهج بين الجوانح مثير تعال بسولف لك عن قلبي في غيبتك وش قال لك تعال باراعي في هالليلة طلة هلالك على راس العلاوة تهبها هبايب بلادي وتزيدها نداوة فرشت لك شيلتي ارتاح ياغالي العمر ياباهي النظر ارتاح وشم عرق شوقك فيها من الوجد .. فواح .. رويانة منه لأن حبك صار ريحتي متى من هالبعد بارتاح ..؟ لاتغار محد بيشوف شعري الليل لي عن عيون الغير ستري وين ..؟ طالعني ..؟ بنظرة عيونك زود ولعني ليلتنا مالها مثيل أشعلت لك فيها أناملي قناديل لاحظ ..؟ هات راحة كفك فديتها . . لحظة لحظة لحظة يوووووووووووووه يازين ريحتها من عمر ما شميتها ولا على صدري شوق ضميتها .. وحشتني حتى خطوطها اللي ياما في منامي قريتها كل ما مرت أصابعي تكتب على راحتها . . أحـــبــــك . . أضاء الحرف وشبت في وريدي لهايبها تعال ياسيد حبايبها يووووووه هالهبوب مازينها كم وحشني بين شعري ونينها النجوم اللي تعلت وعلى خدي ترسم الوله لك تلعب مع أنفاسي بنورها وتسلت والقمر ياقمرها عزمته .. ولبى وحفلتك حضرها وأنواره لصدري احتلت ..! مادريت ياغالي عمرها انك انت القمر لي من الليل يكفيني وانته العمر اللي من العمر مغنيني ياجنيني ياظنيني في حشايه تتقلب وتظنيني هفت ريحتك مع النسمة مرت على شعر اللحية تضمه وتبري حالي من وجدي وموت تذبحه وتسمه يا فديت امه هيييييييييه والله ياشوقي فديت امك وابوك وعمك واللي بعد ترعاه ويهمك يابعد طوايفي فديت انا دمك ياليت الليل ما يسري لين تروى من شوفك وقربك روحي وهالجروح بي تبري تعال ياأجمل فجر ياعبير الزهر ودي التصق بك لين يوم الحشر بس .. في النهاية ادري .. بروحي بارد لغرفتي وافرش شيلتي على مخدتي اشم بها بقايا عطرك والثم ما بقى من سحرك وابلها بدموعي وتسمع وانت في دارك .. ما فعل بي هجرك .. !!