..[ فّرقآ العِزيز ]..

[..[ مقفي لحالي ]..]

هذا ما جاد به قلمي في 2-4-2009 ..
وأتفبل آرائكم بكل صدرٍ رحب ..



فرقا العزيز اللي ترك قلبي جروح .. يشعل فتيل الروح ذكراه لا لاح
لا امسى خفوقي بعدها تسري الروح .. وتهيم في جوٍ بلا نور مصباح
دربٍ عليه اتروح وتروح وتروح ..مفجوعة تبغا مواساة الارواح
يعصف بي الهاجوس وآثاره تلوح ..وسط الضلوع العوج سكين ورماح
وجدي على حالي تقفّتني قروح .. فالليل ملتاعٍ وفالصبح مزّاح
اضحك واخفِّي دمعةٍ عانقت نوح .. ودمعات ليلي قفول من دون مفتاح
لا حال حولٍ ما على الحال مربوح ..تحرق لهيب النار عيدان الافراح
سرّي قبرته في عدم يجهل البوح ..حالي يعلل ضيقة البال لا انساح
صبري نطق كلمات يا هيه مسموح ..طرفي لفظ دمعات والخاطر جراح
شيد لك الخافق علامات وصروح .. هده غيابٍ ما انقطع ..( نسمة رياح )..
متى يحين الوصل والعاذل يشوح .. وتثمر زروع الود وتزيد الارباح
عوّد تراني فاقد المنجي اللوح ..في غبة بحورٍ وماني بسبّاح