غرايب في غرايب

[سعد العصيمي]

بسم الله الرحمن الرحيم
السلاااام عليكم
متواضعه للتواصل معكم

آخرالايام يا كثر االعجايب =عش كثير وشف بعينك ما يريبك
كل هالدنيا غرايب في غرايب =ما تفرق في عدوك من صحيبك
لو ياقلبي تجاوزت النشايب =وارتفع بين العرب قدرك وطيبك
راح حقك بين خلق الله نهايب = وكل واطي يلتفت بك ويحكي بك
كثرو اهل الحذف من مخطي وصايب = وحذفة ٍ تخطيك لايمكن تصيبك
عذربوك وكثرو فيك الطلايب =ولو يطول الدرب ما واحد يجيبك
يا كثر ما هاجموك بلا سبايب =وكنت شامخ والوفا دايم نصيبك
اصدقاك اللي يسدون النوايب =كل واحد صار في الدنيا حريبك
لو على دربك يسجون الركايب =لاتكلمهم قبل تعرف طليبك
عيش حر ولا تزعزعك الهبايب =ياعسى ربك على افعالك يثيبك
ما يهزك ريح والطيبه وهايب =لين من عاداك يرجع يقتدي بك
اجتمع في هالزمن طيب وخايب =بس لا تبدي على الأنذال غيبك

وسلامتكم
اخوكم