مصافحه اولى (( وزن الذهب ))

[محمد علي الفتّّوح]

اعضاء منتدى منابع ادبيه
السلام عليكم ورحمة الله وبركاته
لقد تشرفت في بالانضمام الى هذا المنتدى الراائع والجميل بكل مافيه...
واشكر من دعاني الى هذا المنتدى ...
اول مصافحه لي اتمنى ان تصل الى ذائقتكم...

قصيدتـي هلـي علـيـه وابـعـدي=عن ناقضات الهرج عن كـل الهـزال
هيا ابتدي من ويـن مـاردت ابتـدي=لا مايهمـك دام جـهـزت الــدلال
فنجالهـا طايـل بهـا نجـم الجـدي=فنجالهـا جايـب عسيـرات المنـال
وان كل شاعر من بحـوره يقصـدي=ماكل شاعر جاب في شعـره جـزال
وزن الذهب ياصاحبـي ماهـو قـدي=بعـض الدراهـم ماتسـاوي للريـال
ولا الـردي لاتتبـعـه ولا ابـعـدي=واحذر يجي دربه على دربك مجـال
ترا الصحايب مـن بعضهـا تقتـدي=من زين ولا بعد من شيـن الخصـال
اليـا بغيـت تعـرف رجـلٍ فنشـدي=عن رفقته من قبـل جـده والخـوال
ولا الكريم اللـي علـى نفسـه فـدي=صحايبه في كل وقـت وكـل حـال
سمـه خـوي وقـول لـه يامسنـدي=انتـا عوينـي لاهـون سـود الليـال
وانت الذي لاجيت جرحـي يضمـدي=لو كان نزف الجرح من ذا العرق سال
واخر كلامي جـاك ردي ومقصـدي=يالشاعر اللي صال في فكـره وجـال

وسلاااااااااااااااااااااامتكم

[ثامـــر آل محمـــد]

الله



الله



الله



بوزن الذهب

[محمد علي الفتّّوح]

المشاركة الأصلية كتبت بواسطة ثامـــر آل محمـــد

الله
الله
الله
بوزن الذهب

شكرا اخي ثامر ال محمد لقد انرت متصفحي...

تشرفت في مرورك..

[أنثى الحرير]

حيآك المولـى في آرضكـ منآبع..


واتمنى ان يطيب لكـ البقآء بينآ


سيدي الكريم .. ادام الرب نبض حرفكـ

[قديم الشوق]

شاعرنا / محمد بن علي الفتوح

صح لسانك وأنا أخوك

قصيدة جزلة من شاعر جزل ومبدع


شكرا ً لك شاعرنا القدير على هذا الإبداع

وفي انتظار جديدك الماتع


وتقبل فااائق تقديري واحترامي

[لون الثلج]

:

ياسلام ابداااااااااع


يعطيك العافيه وصح لسااااااااانك مليوون

إح ــترامي لك

.

[محمد علي الفتّّوح]

المشاركة الأصلية كتبت بواسطة أنثى الحرير

حيآك المولـى في آرضكـ منآبع..
واتمنى ان يطيب لكـ البقآء بينآ
سيدي الكريم .. ادام الرب نبض حرفكـ

شكرا على مرورك انثى الحرير...

دمتي بحفظ الله ورعايته...