( ذكرى لقاء )

[يحيى بن عيدان]

(ذكرى لقاء )

هبّ النسيم وهزّ ف البال ذكرى = ذكرى مضت صاير لها سنين وإيام
يوم قابلت عينين .. عينين خدرا = وتخافقت بالحب قلبين تيّام
لحظة لقاء كانت يتيمه وعذرا = لكنها ترسيم عشقاً وويّام
لا هي على الصدفه ولا هي بجبرا = بكيفنا وإحنا لها حيل ريّام
في وقت تالي ليل والوقت قمرا = قبل الفجر كل المخاليق نيّام
من بعدها وأنا كقبّاض جمرا = يصلى اللهيب ولا سلم لوم ليّام
شوق ووله يحداه بعداً وهجرا = وخوف بكره زوّد الهم خيّام
خصوص والدنيا عليّ حيل غبرا = وليا بغى الجو يصفى جاه غيّام
يالله ياللي بالخفايا هو أدرى = ياللي رجوه الخلق سجّد وقيّام
أنت الوحيد لك إستطاعه وقدرا = تجمع قلوباً في هوى بعض هيّام