رَد عـلـى" الفيصلـيه"...!

[ღنـــُــوٍْفٌღ]

هذه رد على قصيده"الفيصليه" للشاعر القطري"إبن همام"

والتي تغنى بها الفنان"خالد عبدالرحمن"

وهذا الرد من الشاعر"عمر بن سعود"((الموج الشرقي))

يوم حان الوقت والميعاد حانـي=بيني وبين الهنـوف الغشمريّـه
من دياري نجد لديار ابن ثانـي=فرجةٍ تقطع لجل عيـن قطريّـه
دام لي ربعٍ وسيعيـن البطانـي=باصله لو بالسيـوف الصيرميّـه
يوم جيت الدار رحّب من دعاني=والوعد مابيننـا عقـب العشيّـه
في (الستي سنتر) تواعدنا وجاني=جادلٍ ما شفتنا في البيض زيّـه
يوم شفته عوّدت عشري ثمانـي=وسبحتي بالقاع طاحت من يديّـه
خذت لي وقتٍ موقّف في مكانـي=للحكي ماعـاد عنـدي مقدريّـه
قال لي وش فيك قلت الله بلانـي=والله لولا الناس لأضرب لك تحيّه
قلت يالمدعوج دام العمـر فانـي=ليه ما اقطف من ورودٍ نرجسيّـه
قال دامك جيتني من نجد عانـي=اخذني في راحت يدينـك هديّـه