ادري ان المشرك ان مات مثواه الجحيم ..

[بندرالرشيدي]

بسم الله الرحمن الرحيم

السلام عليكم ورحمة الله وبركاته..

........
.أحبتي ،،أسعد الله أوقاتكم..
متواضعة..كلي أمل أن تحوز..على استحسانكم..

/..زمان الغضب../

صاحبي والليل مايشفي اوجاع السقيم= والعذر عن مدة الطيب مافيه اثمره
وش يسوي خالي امراح لوكفه كريم= لا لفاه الضيف ماعنده اللي يذخره
كل يوم لغيض الايام زفرات وهميم= وقتٍ ادمتني سيوفه وتطعن خنجره
مامنحني في زمان الغضب صدر الحليم =ولازرع لي في هجير الظما غصن شجره
يوم ينخا ني رفيقي على الخطب الجسيم= واتلوى ضيق من خوف يلحقني شره
اجزم ان الوقت لاشح في وجه الكريم= والله انه مايقدم ولو قدر شعره
واجزم ان الوقت لاجاد لكفوف اللئيم= والله لتنبت ..ظوامي صحاريها ذره
من كثر ماني بمأساة والوضع العديم =مالمحت الميسره في عيون المعسره
قايم ٍ في جبال رضوى وانا كتفي كليم= واتساءل كيف همي ليازاد اقدره
لو تربع نجد مالي بها روضة خريم =ولايسر البارق الا من يجيه مطره
ادري ان المشرك ان مات مثواه الجحيم =وادري ان مادون ذلك بحكم المغفره
موقفٍ محرج ولايعود الصاحب خصيم =ساعة ٍ فيها ظروف الليالي..تجبره
صاحبي ماعاد في صاحبك ظلع ٍ سليم= غير ظلع..وخايف ان زاد حمله يكسره
صاحبك لاضامه الوقت والجرح الأليم =ضمده لاتزيده اجراح والكسر اجبره
والعفو مايصدر الا من الرجل العظيم= والخطا وارد...ومن ساق عذره.فاعذره

مع فائق
الاحترام،والتقدير..
محبكم/بندرالرشيدي..

[سامي احمد]

القدير

بندر الرشيدي

سعيد بان اكون اول الحضور وعناق رائعتك هذه
صح الله السانك واعلى شانك
تقبل الورد

سامي احمد

[قديم الشوق]

شاعرنا القدير / بندر الرشيدي

أهلا ً بك وبشعرك العذب والمميز

قصيدة رائعة من شاعر متمكن

شكرا ً لك من الأعماق

وفي انتظار جديدك الماتع

وتقبل فااائق تقديري واحترامي

[لون الثلج]

:

بندر الرشيدي

صح لسانك ..


قصيده استمتعت بقرائتها ..

يعطيك العافيــه

إح ــترامي لك..

.

[بندرالرشيدي]

الغالي...

اسامي أحمد.....


سمت بتواجدك..احرفي..

صح بدنك..وسلم عمرك..


كل الشكر..والتقدير..


لشخصك..

[شـجن]

قد أبدعت
وما أكثر المبدعين
ولكن
:
كان إبداع مختلف
نهر من التحايا كغزارة أغوارك
*
*
*

[عبدالعزيز الذويبي]

بندر الرشيدي


قصيدة رائعة من شاعر متمكن



صح لسانك
وفي انتظار جديدك

الذويبي
السعوديه

[بندرالرشيدي]

واااااااافر الشكر...والتقدير...

لكل من شرفني بحضوره الشاااااااااااااااااااامخ هنا..

وافين الله لايهينكم....

وبيض الله وجيهكم...

وكل عاااااام وأنتم بخير..