تجي ما تجي

[عبدالله الدوسري]

تجي ما تجي ما عاد تسوى
قطعنا على العيد العلاقه

بأحصّل مع الأيام سلوى
و أحرّر ضميري من وثاقه

ما عاد أتحمّل منك بلوى
تبيّن رياء الحب و نفاقه

أحاول و لا خلّيت ملوى
جفيت و غدى شوفك شفاقه

لحقني الظمأ ما شفت مروى
و خطوات حلمي لك معاقه

صبورٍ و لا بثّيت شكوى
و أدوس الجروح بكلّ طاقه

و ما دمت للنسيان تقوى
و لا تعتبر حقّ الصّداقه

مجرّد بعض صفحه و تطوى
يكفّي عن السّيل إندفاقه

...