قصة من عالم آخر

[محمد الشمراني]

السلام وعليكم ورحمة الله وبركاته

وعيدكم مبارك وكل عام وأنتم بصحة وسلامة

وأعتذر عن الغياب . . .

:
:

متواضعه أضعها بين يديكم

وتقبلوها كما هي :

قصة حياتي . . لو قرآها معنّا
يقول أنا ماني معنّا . . ولا شيّ

يا حظ من قلبه . . سعيد وتهنّا
ما حبّ له ساره . . ولا حبّ له ميّ

من يوم قلبي . . للمحبين حنّا
وأنا أدور من . . شموس الهوى فيّ

كذاب من قال . . أن هالحب جنّا
الحب نار . . وجنته ما بها حيّ

عزاه يا قلبي . . وش اللي تمنّا
غير أبتعاد الحب . . عن نبضك أشويّ

أغراب حنا يا هوى . . عن وطنّا
أغراب والأغراب . . عالم بلا ضيّ

شبيت داخل خافقي . . ألف ونّا
أونّ وناتن كما . . المووت ياخيّ

اليوم غصني . . بالمحبه تثنّا
والغصن لا من مال . . ما يفنعه شيّ . .!!

:
:
:

أما أنا ياناس . . . لي قصة تطول = في زمان الهم . . . والجرح القديم
كل مآ جيت أختصر منها . . . وأزول = زالت الأفراح . . . ( من قلبن أليم
هذي الدنيا . . . تبي تخرب عقول = . . ( والسعاده مابها شيئن يديم
دربي اللي سالكه . . . ماله وصول = كل مآجيت أقترب . . . ( قلبي يهيم
في طريقي . . . شفت أنا . . ( وردن ذبول = وكل أحساسي . . ) له سنينن سقيم
جيت أبسأل . . . قال : لحظه لا تقول . . !! = وش تبى بدنياك لآصارت . . . بغيم
ما فهمت القصد . . وجاهلت المقول = تاهت الخطوات . . . وأحساسي عديم
في دروب (الهم) . . قلبي له ميول = البدايه شوق وبالآخر حطيم
غابت الفرحه . . . وجاني مآيحول = بين قلبي . . وقصة العشق اليتيم
الوهم في دنيتي . . . أصبح يجول = والاماني . . (هاجرت) والله عليم
والشقا في حالتي . . . دق الطبول = قام يعزم كل هم وكل ضيم
والندم يعزف من الحسره . . . فصول = كل فصلن له محب . . وله غريم
ضاع قلبي . . وضاعت أنصاف الحلول = وكل حلن صار بالقصه . . عقيم
والسبب . . . من كلمة الشخص العذول = شخص في درب الخطيه . . . مستقيم
يآ صحيبي . . (أحذر الرآي ألعجول) = وأحذر العذال والكيد . . . العظيم
لآ تصدق . . . زيف كلمآت المقول = مثل . . طعن . . (السيف) . . بالكتف السليم
قصتي يآ ناس . . . مآ ودي تطول = وأصلها طالت . . . !! بقلبي من قديم

:
:
:

ياهيه . . . ربي حافظك لا تعودين
. . . الله يساااااامح ما بقى من حنانك

لكم ودي