... نـشــرة اوضــاااعـك ...

[سعود بادي]

بعفويتها فقط القبووول
كل الود
.
.

يعني تحبين غيري ماتحبيني "=" عاادي تبيعين عمر الحب من ساعك
وبكل بساطه ولاكنك تعرفيني "=" وعلى متوني للأخر مالتوى ذراعك
جيتي مابين الحقيقه عنوه وعيني "=" الين صدقت عشق الريح لشراعك
بنيتلك في ضلوع الود بسنيني "=" عمراً سنينه تلمه باقي امزاعك
ماسولفك غير نفسي بيني وبيني "=" وعنك اسأل خطاك وأخذ نشرة أوضاعك
لو اني اعنيك ربع انتي ماتعنيني "=" والله ماصيح الجحود ووحشة أضلاعك
من دون ماقول دوك القلب واخذيني "=" مواسمك علمتني هبة أطباعك
حبك مع الدم تجريبه شراييني "=" بس الغبي الحب ضيعني بعد ضاعك
أسحب على الطاري اللي لك يوديني "=" ويسوقني حب رمانك لنعناعك
خلاص يكفي تعبتك يامعنيني "=" الجرح يكبر رضاي وقوة اقناعك
حتى لو انسى فصول الود وتنسيني "=" عين الغلا صعب تنسى مدت اصباعك
ماهي بلحية دخيلك لاتخليني "=" العلم وشلون أصبر عقبك جياعك
اليوم حتى على حبك مايمديني "=" قطارنا فات هذي باقي أمتاعك
ودعتك الله عليه لاتوصيني "=" لاوجاع ماعااد بقت فيني اوجاعك
أغني الوقت وايامي تغنيني "=" ياسعود طيعه زمانك كان ماطاعك