يا جارها (خلّ المودم مفتوح)

عبدالله الدوسري · 22-10-2009, 08:24 PM

يا جارها خلّ المودم مفتوح=حاذور قطع الذبذبه عنّي
لا شفتها ردّت علي الرّوح=تقول كنها قطعة منّي
حبّ جديدٍ و إنكتب في الّلوح=يالله عساك تعيش متهنّي
أطلق تعابير الأسى و آبوح=ليتك تشوف الحال متدنّي
كم واحدٍ في دنيته مجروح=يقضي لياليّه و متعنّي
يا للأسف طير السّعد مذبوح=محدٍ يجي في باله يحنّي
ارفق علي يالصّاحب المملوح=خلّ القسا لا تخلف الظنّي
روحي تبيك و عن سواك تشوح=يا زاهي الأوصاف و الفنّي
سرّ المحبّه دايم مفضوح=حتّى و لو حاولته يكَنّي
شوقي بصدري من غلاك يفوح=ما اقدر على فرقاك لوْ إنّي
و ان كان ظرفك ما سمح مسموح=بأبقى على ذكراك مستنّي

عطر الشوق · 22-10-2009, 10:55 PM

ما شاء الله ..عليك

كفيت ووفيت في طرحك القيم

الله يعطيك العافيه وينورك ويزيدك من فضله ..

لك خالص احترامي وتقديري بإنتظار جديدك

عبدالله الدوسري · 23-10-2009, 05:00 PM

عطر الشوق

هلا بك

و شكرا لك

دمت بكل خير

كل الود،،،

سحابة عطر · 23-10-2009, 05:42 PM

ماشاء الله
كلمات جميلهلاهنت عليها اخوي عبد الله

دمت بود
سحابة عطر

سمو الذكريات · 23-10-2009, 06:31 PM

اقتباس:

كم واحدٍ فـي دنيتـه مجـروح
يقـضـي ليالـيّـه و متعـنّـي
يا للأسف طير السّعـد مذبـوح
محـدٍ يجـي فـي بالـه يحنّـي

صح لسانك وسلم فكرك
اخوي عبدالله
لاتحرمنا روعة عطائك

دمت

قديم الشوق · 24-10-2009, 12:18 AM

عبدالله الدوسري

دائما ً تأتي بالجديد الجميل

صح لسانك وانا اخوك

قصيدة مليئة بالعذوبة

والله الله بهذي ومثلها

أشكرك من الأعماق

وتقبل فائق تقديري واحترامي

مراجن · 24-10-2009, 07:02 AM

شوقي بصدري من غلاك يفـوح

ما اقدر على فرقـاك لـوْ إنّـي

و ان كان ظرفك ما سمح مسموح

بأبقـى علـى ذكـراك مستنّـي

</i>شاعرنا عبدالله الدوسري ..

سلمت على الذائقة الشعرية الفريدة من نوعها ..

دمت ودام بوحكـ ..

تقبل مروري المتواضع ..

تحياتي لكـ ..