يا صاحبي جيتك

[يزيد]

يا صاحبي جيتك اشكي لك من أحوالي
جيت وما دامك رفيقي ليـه أطولهـا
العلم وما فيه يا اول وآخـر آمالـي
عندي رسالة ولا ادري كيف أوصلهـا
للي سبتني وانا مـن قبلهـا سالـي
أبيك توقف معـي وتـروح تسألهـا
وش فيها تفتح علي أبـواب عذالـي
وتحمل النفس حاجـة مـا تحملهـا
وش فيها رغم الوفا تتركني لحالـي
وانا لجفاها تركـت الدنيـا بأكملهـا
أن كان هذا زعـل علمهـا يالغالـي
ما كان قصدي ورب البيـت ازعلهـا
علمها واللي يخلـي قلبـك الخالـي
عن ضيقتي وين وصلت من تجاهلها
علمها كم لي وانا ماشلـت جوالـي
كلـه علشـان مـا اقلـب رسايلهـا
علمها وش لون لا مرت على بالـي
اروح واضـم صورتهـا واقبلـهـا
علمها كيف انشغل عن كثرة اشغالـي
واسرح واغمض عيونـي واتخيلهـا
علمها عني وعـن همـي وغربالـي
علمها عن كل حاجـة فـي تجهلهـا
وان شفتها دنقت تبكي على احوالـي
انسى الكـلام وتذكـر كلمـة وقلهـا
قل شاعرك يعتـذر ويعاهـدك تالـي
انـه يرتـب حساباتـه مـن اولهـا
ويقول حتى القصيد اللي على بالـي
والله ماعـاد اكتبـه كانـه يزعلهـا
لللمبدع فهد المساعد

[قديم الشوق]

يزيد

طرح مميز

ونقل رااائع لشاعر رااائع

الله يعطيك ألف عافية

وتقبل فاائق تقديري واحترامي

[عسافه]

يزيد

صح احساسك عذبه حيل،،، وصح لسان شاعرها

انتقاء مميز تسلم يمناك

تقديري لك

[سحابة عطر]

اختيار جمييل اخوي يزيد
وتسلم يد اكتبتها